Яго называлі пратэжэ экс-міністра культуры Юрыя Бондара.
Культуролаг Павел Сапоцька, які з'яўляўся дырэктарам Нацыянальнага гістарычнага музея Рэспублікі Беларусь, пакідае сваю пасаду. Супрацоўнікі музея пацвердзілі Tut.by, што 14 студзеня ён развітаўся з калектывам. Раней сам Сапоцька паведаміў у размове з Tut.by, што неўзабаве пакіне сваю пасаду ў сувязі з пераходам на іншую працу.
Павел Сапоцька быў прызначаны дырэктарам музея ў сакавіку 2018 года, калі яму было 26 гадоў. Ён змяніў Алега Рыжкова, які кіраваў музеем з 2013 года.
Сапоцька нарадзіўся 4 студзеня 1992 года ў Маладзечне. Скончыў Беларускі дзяржаўны ўніверсітэт культуры і мастацтваў, магістратуру і аспірантуру БДУКІМ. Выкладае на кафедры міжкультурных камунікацый гэтага ўніверсітэта.
На момант прызначэння Сапоцькі ўзначальваў мастацкую галерэю «Універсітэт культуры».
У кулуарах дырэктара Нацыянальнага гістарычнага музея лічылі пратэжэ тагачаснага міністра культуры Юрыя Бондара. Той узначальваў ведамства ў 2017-2020 гадах і быў адпраўлены ў адстаўку ў лістападзе гэтага года. Магчыма, cыход Сапоцькі звязаны менавіта з гэтай акалічнасцю.
Паводле неафіцыйнай інфармацыі, Сапоцька працягне сваю кар'еру ў Дэпартаменце турызму Міністэрства спорту і турызму.
«Беспардонна грузіць сябе і іншых»: былы памочнік Лукашэнкі Ігар Брыло бярэ на сябе віну ў прамысловых аб'ёмах3
Каментары