У італьянскім горадзе абрабавалі 43-гадовага беларуса.
Ілюстрацыйнае фота. Фота: паліцыя Італіі
Інцыдэнт адбыўся ў аўторак каля 19.30 вечара на плошчы П'яцале Селінунце, паведамляе сайт «Беларусь і свет».
Да нашага суайчынніка, які прагульваўся з сябрам, падышлі двое паўночнаафрыканцаў, нібыта нешта спытаць.
Затым яго штурхнулі, сталі біць нагамі, адабралі гадзіннік Ulysse Nardin коштам 10 тысяч еўра і збеглі.
Цяпер вядзецца расследаванне.
Трэба адзначыць, што адкрытае выкраданне люксавых гадзіннікаў — даволі распаўсюджанае злачынства ў Італіі.
Напрыклад, у тым жа Мілане а 06.00 раніцы наступнага дня на вуліцы Віа Бонэ пяцёра замежнікаў узялі ў кола 35-гадовага італьянца і 33-гадовага аргенцінца і пазбавілі іх дарагіх гадзіннікаў і грошай.
Каментары