У Нарачы бацька і сын знайшлі на сметніку бутэльку з ружовай вадкасцю — абодва загінулі
Мужчыны смяротна атруціліся.
Фота: Дзяржаўны камітэт судовых экспертыз
У доме ў аграгарадку Нарач дактары хуткай дапамогі знайшлі целы двух мужчын без прыкмет жыцця.
Аказалася, гэта 58-гадовы бацька і яго 31-гадовы сын, якія доўгі час ужывалі алкаголь. Незадоўга да трагедыі мужчыны займаліся сартаваннем смецця на сметніку — там яны знайшлі літровую бутэльку з ружовай вадкасцю, якую вырашылі выпіць.
Як паказала экспертыза, у бутэльцы знаходзіўся антыфрыз. У бацькі ў арганізме таксічная канцэнтрацыя этыленгліколю была перавышаная ў 8 разоў, а ў сына — у 20 разоў. Выратаваць мужчын не ўдалося.
Мядзельскія следчыя праводзяць праверку.
Каментары