Расійскі вайсковец Максім у адпачынку памяняў пол і вярнуўся на вайну як дзяўчына Максін
Яму ўсё ўдалося, але вось з вайсковай службы ўжо дзяўчыну прымусілі звольніцца, піша «Осторожно, новости».
Максім Пяроў нарадзіўся ў 2000 годзе ў Ніжнім Тагіле, што ў Свярдлоўскай вобласці. Рос у сям'і вайскоўцаў, а пасля бабуля прапанавала адправіць яго ва Ульянаўскае сувораўскае вучылішча.
Пасля заканчэння ўстановы Максім вырашыў не ісці слядамі бацькоў і паступіў на інжынера-праграміста ў Пецярбургу. Але ён, як сцвярджаецца, з дзяцінства адчуваў наступствы гендарнай дысфарыі (калі фізічны пол не адпавядае адчуванню чалавека) і разумеў, што дзяўчаты яго не прыцягвалі ў сэксуальным плане.
Пазней Максім усё ж такі ажаніўся, але адносіны не клеіліся, і ў 2021 годзе ён пайшоў служыць у войска. Развёўся, падпісаў кантракт, каб зарабляць грошы. Пасля пачатку вайны ва Украіне трапіў у групоўку «Цэнтр», ваяваў на Красналіманскім і Ізюмскім напрамках, быў нават узнагароджаны. Пасля таго Пярову далі адпачынак, падчас якога паехаў у Санкт-Пецярбург, купіў белы парык, гуляў з сябрамі і прызнаўся ім у сваёй ідэнтычнасці.
Улетку 2023 года Максім даведаўся, што ў Расіі хутка забароняць рабіць транспераходы. Ён выбіў сабе тэрміновы адпачынак, паехаў у Ніжнетагільскі ЗАГС і стаў па дакументах Максін Юр'еўнай Пяровай. Пасля гэтага ўжо дзяўчына паехала ў аддзел кадраў вайсковай часткі і хацела працягнуць службу далей, але яе звольнілі.
Улетку 2024 года Максін Пярова па квоце для ўдзельнікаў вайны супраць Украіны паступіла ў Санкт-Пецярбургскі універсітэт інфармацыйных тэхналогій, механікі і оптыкі. Цяпер яна працуе ў вэйпшопе, прымае гармоны і не плануе аперацыю. Маўляў, каб адчуваць сябе камфортна, хапіла змены дакумэнтаў і іміджу.
Пры гэтым са свайго тэлеграм-канала Максін выдаліла ўсе пасты з фронту, бо «цяпер яна дзяўчына ўсё ж такі».
Супольнасць трансгендараў Беларусі паведамляе пра зачыстку — былі затрыманыя мінімум 8 чалавек
Іран стаў адным з сусветных лідараў па змене пола. Як так сталася ў гэтай мусульманскай краіне?
Алжырка, якую цкавалі ў інтэрнэце, выйграла золата Алімпіяды
Трансгендарная дачка Ілана Маска адказала на яго гучныя заявы
Актывіст Максім Чарняўскі збіраўся стаць жанчынай, а цяпер ён — бацька двайнят у дэкрэце. Як так?
Гайдукевіч параіў беларусам, якія не здзяйснялі злачынстваў, «адседзець і жыць далей»34
Каментары