«Усё знаходзіцца на стале. Хочам убачыць, дзе інтарэсы Польшчы, а дзе можна ўдарыць па інтарэсах тых, хто шкодзіць Польшчы», — кажа Томаш Семоняк.
Міністр унутраных спраў і адміністрацыі Польшчы Томаш Семоняк не выключае закрыцця мяжы з Беларуссю. Пра гэта ён заявіў учора ў інтэрв'ю Polsat News у сераду. Ва ўрадзе краіны ён таксама з'яўляецца каардынатарам спецыяльных служб, піша Reform.news.
«Усё знаходзіцца на стале. Хочам убачыць, дзе інтарэсы Польшчы, а дзе можна ўдарыць па інтарэсах тых, хто шкодзіць Польшчы. Кожнае рашэнне тут магчыма. Не буду рабіць заяваў. Працуем з міністрам замежных спраў, міністрам інфраструктуры, міністрам фінансаў пад кіраўніцтвам прэм'ера над рэакцыяй на дзеянні Беларусі, каб яна была паспяховай і эфектыўнай і каб яна не біла па польскіх інтарэсах», — адказаў Семоняк на пытанне вядучага аб тым, ці магчыма закрыццё ўсіх пунктаў пропуску на мяжы з Беларуссю.
Раней пра ідэю закрыцця мяжы выказваўся міністр замежных спраў Радаслаў Сікорскі, праўда, у сераду ён ужо ўдакладніў, што гаворка ідзе аб руху грузаў, а ўрад не хоча ўскладняць жыццё простым беларусам і палякам.
Па словах Семоняка, колькасць спробаў парушэння мяжы знізілася ў апошнія тыдні на 30-50%. Такая тэндэнцыя назіраецца пасля выбараў у Еўрапарламент. Семоняк лічыць, што гэта звязана з некалькімі прычынамі, у тым ліку са змяненнем тактыкі польскага боку, уключаючы з'яўленне спецыяльных паліцэйскіх падраздзяленняў, стварэнне забароненай зоны ўздоўж часткі мяжы.
«Еўрапейскія выбары, бо, напэўна, было жаданне дэстабілізаваць сітуацыю ў Польшчы. Але таксама нельга выключыць, што нацыянальнае свята ў Беларусі (3 ліпеня) прывяло да таго, што службы сканцэнтраваліся на іншых сферах. Няма ніякага сумневу ў тым, што маштабы таго, што адбываецца на мяжы рэгулююцца беларускімі службамі. У сувязі з гэтым зніжэнне спробаў сёння зусім не азначае, што гэтых спробаў заўтра ці праз два дні будзе больш ці менш», — сказаў ён.
Гаворачы аб буфернай зоне ўздоўж мяжы, у якую быў забаронены ўезд, Семоняк адзначыў, што яе мэтай было абцяжарыць дзеянні кантрабандыстаў.
«Ёсць дзясяткі чалавек, якія чакаюць перапраўленых асоб, робяць на гэтым злачынны бізнэс. Пры ўвядзенні буфернай зоны гаворка ішла пра тое, каб адсунуць іх ад мяжы, абцяжарыць ім дзейнасць. Незалежна ад гэтага на працягу тыдняў дзесяткамі затрымліваюцца такія асобы, таму што лічым, што гэта адна з прычын такога становішча рэчаў: кантрабанда людзей. Ёсць гібрыдная вайна, агрэсія беларускіх службаў пры падтрымцы Расіі, а з іншага боку ёсць проста кантрабанда людзей. Зарабляюць на гэтым дзясяткі тысяч еўра, пераводзячы людзей з Афрыкі, Блізкага Усходу», — растлумачыў міністр.
Паводле яго, цяпер памежная ахова падпісвае дамовы аб умацаванні памежнай загароды. Работы павінны скончыць да канца года.
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары