Сябрам стала сумна, і яны вырашылі згуляць у гульню.
Жыхар Ліды разам з сябрам адпачываў у адной з устаноў. Сябры выпівалі, але ім раптам стала сумна: наведвальнікаў у гэты час у бары не было, паразмаўляць не было з кім.
Хлопцы вырашылі згуляць у гульню «на слабо». Спачатку жаданні былі бяскрыўдныя: напрыклад, выпіць залпам куфаль піва. Але ў нейкі момант адзін з сяброў загадаў іншаму ўстаць, зняць штаны і паказаць голую дупу.
30-гадоваму лідчуку было не «слабо» — ён гэтае жаданне выканаў на вачах у афіцыянтак. Дзяўчаты вырашылі выклікаць міліцыю.
Цяпер на лідчука завялі крымінальную справу за хуліганства.
Каментары