Грамадзянін Беларусі атрымаў рэальны тэрмін за спробу падпалу беларускай амбасады ў Вільні
Віленскі суд прыгаварыў грамадзяніна Беларусі да рэальнага турэмнага зняволення за спробу знішчэння маёмасці грамадска небяспечным спосабам і спробу ўцёкаў з-пад арышту, піша LRT.
Грамадзяніна Беларусі прыгаварылі да васьмі месяцаў і 15 дзён пазбаўлення волі.
Згодна з матэрыяламі справы, ноччу 20 красавіка 2023 года мужчына падышоў да амбасады Беларусі ў Вільні і кінуў на яго тэрыторыю самаробную свечку з гаручай вадкасцю. На тэрыторыі пасольства пачаўся пажар, які неўзабаве патух самастойна.
Грамадзяніна Беларусі М.Б., 1990 года нараджэння, затрымалі і змясцілі пад варту. Знаходзячыся пад арыштам, М.Б. спрабаваў уцячы, ужыўшы сілу супраць ахоўнікаў СІЗА, піша выданне.
Разглядаючы справу ў апеляцыйным парадку, Віленскі акруговы суд часткова задаволіў скаргу пракурора і дадаткова прызнаў М.Б. вінаватым у спробе ўцёкаў.
Каментары
Назавіце прозвішча і дайце фота. Няхай кіберпартызаны распавядуць, хто ён, кім працаваў. Беларусы павінны ведаць, хто робіць правакацыі супраць Летувы.
Значыць, герой-антылукашыст.
Тады пытанне іншае: хто ў Летуве пераследуе беларусаў, якія выступаюць супраць злачыннага рэжыму Лукашэнкі, хаўрусніка Пуціна?
Хто гэтыя летувіскія дзеячы, якія стаяць на абароне лукашыстаў?