Беларус прадае 23-гадовую BMW «пяцёрку» за 27 500 даляраў і не гатовы таргавацца, бо з грашыма ў яго ўсё ў парадку
«Машына стаіць у цёплым гаражы і з гадамі толькі даражэе».
Беларус прадае старую BMW 5 за вялікія грошы. Машына 2001 года выпуску. Пад капотам у яе бензінавы рухавік аб'ёмам 4,4 літра магутнасцю 286 к.с, які працуе ў пары з 6-ступеньчатай механічнай каробкай перадач.
Заяўлены прабег — 93 тысячы кіламетраў. Апошняя адзнака ў нямецкай сэрвіснай кніжцы — 03.06.2004 года. Тады прабег аўтамабіля складаў 69 857 кіламетраў. Яшчэ праз год (17.07.2005) машыну размытнілі ў Беларусі.
Калі гэта праўда, то атрымоўваецца, за апошнія 19 гадоў, што машына знаходзіцца тут, на ёй праехалі ўсяго каля 20 тысяч кіламетраў.
Візуальна аўтамабіль выглядае сапраўды вельмі добра, шэры скураны салон таксама знаходзіцца ў добрым стане.
Але нягледзячы на невялікі прабег, добры стан і магутны матор, гэта не нейкая рэдкая BMW M5, а шараговая е39, за якую просяць 27 500 даляраў.
Пры гэтым у апісанні прадавец адзначае, што ягоная машына сапраўды адзіная ў Беларусі, а можа быць, і не толькі ў ёй.
«Толькі для сапраўдных аматараў, якія разумеюць у Е39! Прабег родны. Усе арыгінальныя нямецкія дакументы. Любыя праверкі. Без торгу! З грашыма ўсё ў парадку. Спешкі ў продажы няма, машына стаіць у цёплым гаражы і з гадамі толькі даражэе», — гаворыцца ў апісанні.
ЦВК апублікаваў лагатып прэзідэнцкай кампаніі. І зноў лога ЦВК падобна да дыверсіі5
ЦВК апублікаваў лагатып прэзідэнцкай кампаніі. І зноў лога ЦВК падобна да дыверсіі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары
Я без сарказму і жартаў. Зараз такія аўто ў ранг вінтажных заходзяць, таму цэннік на іх будзе толькі расьці.