Названа дата прэзідэнцкіх выбараў: аж на паўгода раней за магчымы тэрмін
Выбары прэзідэнта Беларусі прызначаныя на 26 студзеня 2025 года. Яны пройдуць ужо за тры месяцы.
Такое рашэнне зацверджанае на пасяджэнні Палаты прадстаўнікоў, перадае БЕЛТА. У беларускіх рэаліях прымае такое рашэнне не парламент, а Адміністрацыя прэзідэнта, а дэпутаты толькі фармальна зацвярджаюць.
Паводле календара правядзення выбараў, яны павінны былі адбыцца не пазней за 20 ліпеня.
У канцы верасня старшыня Цэнтрвыбаркама Ігар Карпенка гаварыў, што разглядаюцца некалькі магчымых дат для правядзення прэзідэнцкіх выбараў у наступным годзе. «Ёсць чатыры прыкладныя даты правядзення выбараў, уключаючы крайнюю — 20 ліпеня 2025 года», — заявіў Карпенка, не называючы іх.
«Белпол» у жніўні са спасылкаю на крыніцы называў імаверную дату прэзідэнцкіх выбараў — 23 лютага 2025 года.
У выніку Аляксандр Лукашэнка выбраў яшчэ ранейшую. Пра тое, што выбары блізка, сведчылі масіраваная прапагандысцкая кампанія ў апошнія месяцы, павышэнне заробкаў і пенсій, а таксама інтэнсіўныя паездкі Аляксандра Лукашэнкі па краіне, нягледзячы на яго праблемы са здароўем.
Лукашэнка: Выбары выбарамі, мы іх праводзілі не аднойчы. І гэтыя правядзем
Карпенка заявіў, што пачынаецца падрыхтоўка арганізатараў выбараў
Масква абяцае дапамогу Мінску на выбарах 2025 года «ў выпадку дэстабілізацыі»
Гайдукевічу прапануюць стаць пратэсным кандыдатам на прэзідэнцкіх выбарах
Ганна Канапацкая плануе балатавацца на выбарах-2025
Названа дата прэзідэнцкіх выбараў: аж на паўгода раней за магчымы тэрмін19
Каментары