Фігурыста, які раней выступаў за Беларусь, злавілі ў ЗША на сэксе з непаўналетняй
Расійскага фігурыста Івана Дзясятава, які з 2022 года прадстаўляе ЗША ў танцах на лёдзе ў пары з Ізабелай Флорэс, адхілілі ад выступленняў. Яго адхіленне звязанае з «абвінавачваннем у неналежных паводзінах».
Расійскі фігурыст Іван Дзясятаў, які выступае за ЗША ў танцах на лёдзе, часова адхілены ад спаборніцтваў. Пра гэта паведамляецца на сайце амерыканскага цэнтра бяспечнага спорту.
Гэта адхіленне 23-гадовага спартсмена звязана з «абвінавачваннем у неналежных паводзінах». Яно дзейнічае з 18 кастрычніка, але падрабязнасці справы не раскрываюцца.
Расійскае выданне «Спорт-экспресс», аднак, са сваіх крыніц даведалася, што Дзявятаў абвінавачваецца ў сэксуальным кантакце з непаўналетняй дзяўчынай, якой на той момант яшчэ не споўнілася 16 гадоў. Калі віна спартсмена будзе даказаная, то яму свеціць турэмны тэрмін.
У сезоне 2021/2022 Іван Дзясятаў разам са сваёй расійскай партнёркай Кацярынай Андрэевай прадстаўляў на міжнародных спаборніцтвах Беларусь. А калі праз год зноў захацеў памяняць зборную, то яму не давалі на гэта дазволу, пакуль спартсмен не выплаціць 25 тысяч даляраў у якасці кампенсацыі за сродкі, выдаткаваныя на трэніроўкі і спаборніцтвы. У выніку грошы былі сабраныя з дапамогай краўдфандынгу.
У якіх чатах сядзеў губазікавец Артур Гайко і што там пісаў? 5
У якіх чатах сядзеў губазікавец Артур Гайко і што там пісаў?
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары