У кастрычніку ў Мінску адкрыюць першы ў Беларусі храм Армянскай апостальскай царквы
Пра намер адкрыць у кастрычніку ў Мінску храм Армянскай апостальскай царквы было заяўлена падчас наведвання будаўнічай пляцоўкі 6 верасня міністрам замежных спраў Максімам Рыжанковым і старшынёй Мінгарвыканкама Уладзімірам Кухаравым, паведамляе БелТА.
Паводле слоў чыноўнікаў, гэта будзе не толькі храм, але і месца прыцягнення сацыяльна-культурнага жыцця, таму што на тэрыторыі таксама ўзводзіцца будынак нядзельнай школы. У выніку тут паўстане, маўляў, цэлы духоўны комплекс Армянскай апостальскай царквы.
Будаўніцтва храма Армянскай апостальскай царквы пачалося ў жніўні 2022 года па вуліцы Філімонава ў Мінску на добраўпарадкаваным участку 0,42 га і цяпер набліжаецца да завяршэння.
Храм вылучаецца сваім архітэктурным абліччам у армянскай нацыянальнай стылістыцы, ён зроблены пераважна армянскімі майстрамі і з матэрыялаў, прывезеных з Арменіі.
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары
Мінск пераўтворваюць ў кішлак.
Праз 100год каб яны праўнукам нашым ні казалі " гэтую царкву яшчэ Ной будавал у Мінску" праплывая міма