Сёлета адзін з самых папулярных беларускіх гуртоў J:морс святкуе 25-годдзе. Адзначыць яго калектыў на сцэне — вялікім электрычным канцэртам 2 лістапада ў Варшаве.
Першыя хіты J:морс былі напісаныя па-руску, але з цягам часу ў рэпертуары групы пачало з’яўляцца ўсё больш беларускамоўных песень. Да юбілею мы згадваем топ трэкаў музыкаў па-беларуску.
Песня «Жыві» — частка альбома «Басанож па маставой», прэзентаванага публіцы ў 2006 годзе. Сярэдзіна нулявых атрымалася для гурта суперпрадуктыўнай: яны паспяхова зладзілі тур па краіне, атрымалі прэмію «Прарыў года» ад Першага музычнага канала і перамаглі ў галоўнай намінацыі «Рок-каранацыі — 2005», стаўшы «групай года». Альбом «Басанож па маставой» разыходзіўся вялікім тыражом.
Песня «Жыві», па прызнанні самога Уладзіміра Пугача, адна з яго любімых у рэпертуары. «Калі прыдумляеш песню, заўсёды ловіш нейкі стан і спрабуеш яго перадаць. Часам яго вельмі складана ўтрымаць у сабе доўга і ў выніку песні пішуцца працяглы час. Так было, напрыклад, з «Не памірай». А вось з «Жыві», наадварот — прыдумалася на адной эмоцыі цягам пяці хвілін. Люблю яе», — дзяліўся артыст у інстаграме.
Свой першы цалкам беларускамоўны альбом пад назвай «Адлегласць» гурт выпусціў у 2007 годзе. На прэс-канферэнцыі, прысвечанай прэзентацыі, Уладзімір Пугач расказваў, што ідэя запісаць альбом па-беларуску з’явілася ў калектыву пасля зваротаў гледачоў на канцэртах. Дадатковым матывам паслужыла жаданне даказаць і сабе, і іншым, што беларускамоўная музыка таксама можа быць папулярнай.
У выніку адразу некалькі песень адтуль зрабіліся суперхітамі. У тым ліку, напрыклад, раней ужо гучаўшая па-руску песня «Маё сонца». З рускай мовы яе пераклаў музыка і кампазітар Раман Арлоў.
А хіт «Беларускае золата» адтуль, стаўшы адным з самых пазнавальных для гурта, у свой час быў запісаны разам з прэзідэнцкім аркестрам.
Гэты трэк, натхнёны падзеямі лета-2020, Уладзімір Пугач запісаў у дуэце з Лявонам Вольскім. Ён стаў своеасаблівым адказам на ранейшую супрацу артыстаў у стварэнні песні «Такога няма нідзе» па штуршку Вольскага.
Для чарговай калабарацыі ініцыятарам выступіў ужо Уладзімір Пугач, напісаўшы новую песню «на адным дыханні».
Яшчэ адна беларускамоўная песня, выпушчаная ў 2020 годзе ў альбоме «Здравствуй,». З яго прэзентацыяй гурт паспеў выступіць у Мінску ў 2021 годзе ў Prime Hall — гэта быў вялікі канцэрт пасля каранавіруснага зацішша, традыцыйна на 14 лютага. Арганізоўваць імпрэзы на Дзень закаханых — добрая традыцыя J:морс, і многія пары ў якасці падарункаў на гэты дзень дарылі партнёрам менавіта квіткі на іх канцэрт.
Праз год музыкі нават не спрабавалі ўжо ладзіць канцэрт у Беларусі, улічваючы праблемы з пляцоўкамі для «нядобранадзейных» артыстаў, якія толькі абвастрыліся. З пачаткам жа поўнамаштабнай вайны ва Украіне Уладзімір Пугач з’ехаў з Беларусі.
Згадаем яшчэ адзін са свежых сінглаў, выпушчаны ў бягучым годзе. Гэта песня-напамін, што нават самыя звычайныя дзеянні са знакам плюс — гэта ўжо ключ да магчымых перамен.
«Як бы ні было цяжка, якія б перашкоды не сустракаліся на шляху, якім бы змрочным часам не здавалася жыццё — трымайся, усміхайся, ідзі наперад разам з такімі ж, як ты. Спрабуй змяняць сябе, пакрысе мяняючы свет вакол. Гэта і ёсць наша зброя», — тлумачылі аўтары ідэю песні «Зброя».
А якая ваша песня J:морс самая любімая?
ГУБАЗіКу забаранілі публікаваць «пакаяльныя відэа». Цяпер яны выстаўляюць «пакаяльныя аўдыя»5
Каментары