Жыхар Гродна падпаліў на сябруку майку. Той нават не прачнуўся, але праз месяц пайшоў у міліцыю
Усё таму, што ўбачыў ролік у тыктоку, як з яго жартуюць сябры.
Трое жыхароў Гродна ў пачатку мая адпачывалі ў прыватным доме. Не абышлося без спіртных напояў.
Першым з дыстанцыі сышоў 36-гадовы мужчына: ён выйшаў на вуліцу падыхаць паветрам і заснуў проста на ганку. Сябры, убачыўшы гэтую карціну, вырашылі пажартаваць.
Спачатку яны пырскалі яму аэразолем у нос. А затым адзін з мужчын падпаліў на сябры майку. Але той нават не прачнуўся. А сябры патушылі агонь з вялікай цяжкасцю. Калі гродзенец працверазеў, ён заўважыў на целе апёк і паехаў у бальніцу. Там ён патлумачыў, што атрымаў апёкі ад хатняй печы.
Але ў пачатку чэрвеня мужчына ўбачыў у тыктоку відэа, галоўным героем якога быў ён. Аказалася, сябры фіксавалі свае «пранкі» на камеру. Гродзенцу ўбачанае не спадабалася — і ён пайшоў у міліцыю.
Цяпер яго сябар-падпальшчык атрымаў крыміналку за наўмыснае прычыненне лёгкага цялеснага пашкоджання. Санкцыя артыкула прадугледжвае арышт да аднаго года. Ён ужо прыцягваўся да крымінальнай адказнасці.
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?26
Каментары