Былога намесніка дырэктара Гродзенскага тэатра асудзілі на чатыры гады
Былога намесніка дырэктара драмтэатра Дзмітрыя Чыліка абвінавацілі ў неаднаразовым атрыманні хабараў цягам некалькіх гадоў.
Суд прызнаў Дзмітрыя Чыліка вінаватым у «прыняцці службовай асобай для сябе матэрыяльных каштоўнасцяў і набыцці выгод маёмаснага характару», піша Hrodna.life.
Следства ўстанавіла, што з верасня 2021 па люты 2024 года Чылік «неаднаразова прымаў грашовыя сродкі ў якасці хабару на 20 830 рублёў».
Чылік сваю віну прызнаў часткова. Ён добраахвотна заплаціў падатак на атрыманую суму, што суд прызнаў змякчальнай акалічнасцю.
Дзмітрыю Чыліку прысудзілі пяць гадоў калоніі ўзмоцненага рэжыму. На падставе закона Аб амністыі, які падпісаў Лукашэнка 2 ліпеня 2024, суд скараціў тэрмін на адзін год.
Таксама Чыліка пазбавілі права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў тэрмінам на пяць гадоў. Былы намеснік дырэктара абавязаны выплаціць штраф у памеры 300 базавых велічынь (12 тыс. руб.).
Канфіскаваныя ў Чыліка грошы — 2,5 тыс. руб. — канфіскаваныя ў даход дзяржавы.
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?56
Каментары