Раней Лукашэнка гаварыў іншае — што нібыта ён не трымаецца за ўладу сінімі пальцамі.
Лукашэнка сёння праводзіць нараду па выбарах. Ён заявіў, што высновы з 2020 года зроблены: «уладу растапыранымі рукамі не трымаюць».
«Усе павінны разумець, што мы ўжо спрактыкаваліся за гэтыя гады і разумеем, што ўладу растапыранымі рукамі не трымаюць. І мы не збіраемся гэта рабіць. Мы высновы з 2020 года зрабілі. Таму будзем дзейнічаць так, як гэта патрэбна нашай краіне і нашаму народу», — сказаў ён.
Ён адзначыў, што галоўнай дзеючай асобай у выбарчы перыяд з'яўляецца кіраўнік ЦВК і яму неабходна аказаць неабходную дапамогу і падтрымку.
«Я прашу арыентавацца на яго. Усё, што ён папросіць, мы павінны дапамагчы. Але там, дзе не трэба ўмешвацца, не трэба бегчы наперадзе паравоза. У гэтым няма ніякай неабходнасці. Менш будуць нас папракаць фактычна, што мы там умешваемся ў нейкія выбары», — сказаў ён.
Лукашэнка лічыць, што ў краіне магчымыя правакацыі, таму нельга расслабляцца: «хапае ў грамадстве розных людзей».
«Што тычыцца правакацый – інфармацыйных, палітычных і іншых — магчымыя. Яны былі, ёсць і будуць.
Проста не трэба расслабляцца: «Ах, у нас грамадства такое — гэтыя адмарожаныя самыя, яны збеглі і іншае…» Хапае ў грамадстве розных людзей. І расслабляцца тут нікому ні ў якім разе не трэба. Асабліва нам — органам улады на месцах. Трэба зыходзіць з горшага варыянту. Будзе лепш — ну і добра», — кажа ён.
Цікава, што калі цяпер Лукашэнка кажа, што ўладу растапыранымі пальцамі не трымаюць, то раней ён гаварыў іншае — што нібыта ён не трымаецца за ўладу сінімі пальцамі.
Так, у 2019 годзе ён пракаментаваў намер балатавацца на выбарах кіраўніка дзяржавы ў 2020 і 2025 гадах. Тады ён падкрэсліў, што не трымаецца за гэту пасаду.
«Я сваю кандыдатуру прапаную на гэтых [2020 года] выбарах. Але калі буду адчуваць, што вы катэгарычна супраць, вядома, буду перажываць, але тым не менш вы павінны маю кандыдатуру адкінуць на выбарах. І я паабяцаў, што сінімі пальцамі за крэсла трымацца не буду. Паверце, гэта не зусім мяккае крэсла», — запэўніў ён.
Журналісты тады ж, у 2019 годзе, пацікавіліся, ці мае намер Лукашэнка браць удзел у прэзідэнцкіх выбарах пасля 2020 года, напрыклад, у 2025-м.
«Госпадзі, я, можа, да 2025 года не дажыву, не дай бог», — адказаў ён.
Што за «Сігма бой»? Гэтай віруснай песняй занепакоіліся ў Еўрапарламенце13
Каментары
За власть он готов был убивать и убивал уже много лет назад.
2020 был маркером, чтоб вывести натуру наружу.