ДАІ Віцебскай вобласці будзе выкарыстоўваць дроны для кантролю за аўтамабілістамі
У абласным цэнтры ўпершыню апрабавалі новыя тэхнічныя сродкі патрулявання, перадае БЕЛТА.
«Новыя тэхнічныя сродкі патрулявання вуліц будуць выкарыстоўвацца, зыходзячы з аналізу найбольш небяспечных участкаў дарог, у месцах, дзе зафіксавана больш за ўсё ДТЗ з траўмамі пасажыраў і кіроўцаў, у гадзіны пік пры напружанай сітуацыі на дарогах горада», — гаворыць часова выконваючы абавязкі намесніка начальніка ўпраўлення ДАІ УУС Віцебскага аблвыканкама Руслан Караеў.
Цяпер ва ўпраўленні ёсць два разведвальныя робаты, якія здольныя падымацца на вышыню да 6 км.
«Наяўнасць такога сучаснага тэхнічнага сродку дысцыплінуе кіроўцаў, і ў выпадку ДТЗ здымка з яго з'яўляецца бясспрэчным доказам», — кажа Караеў.
Паводле яго, падчас кантролю на скрыжаванні праспекта Будаўнікоў і вуліцы Петруся Броўкі дрон перадаў сігналы аб рэзкіх манеўрах некалькіх кіроўцаў. У выніку пры праверцы аказалася, што двое аўтааматараў — мужчына і жанчына — знаходзіліся за рулём у стане алкагольнага ап'янення.
«Новыя тэхнічныя сродкі дапамогуць сачыць за парадкам на дарогах і задзейнічаць меншую колькасць супрацоўнікаў ДПС», — падкрэсліў Руслан Караеў.
-
У чатах Калінкавічаў распаўсюджваецца ВІДЭА, якое зафіксавала падзенне беспілотніка
-
«Я тупіў. І сумняваўся. І рваўся паміж некалькімі пачуццямі. І цяпер мне сорамна». Кранальнай гісторыяй падзяліўся беларускі святар
-
Праўладны блогер пахваліўся, што атрымаў смешны маёмасны падатак. Але ў каментарыях яго прымусілі раскрыць праўду
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары