DAI Viciebskaj vobłaści budzie vykarystoŭvać drony dla kantrolu za aŭtamabilistami
U abłasnym centry ŭpieršyniu aprabavali novyja techničnyja srodki patrulavańnia, pieradaje BIEŁTA.
«Novyja techničnyja srodki patrulavańnia vulic buduć vykarystoŭvacca, zychodziačy z analizu najbolš niebiaśpiečnych učastkaŭ daroh, u miescach, dzie zafiksavana bolš za ŭsio DTZ z traŭmami pasažyraŭ i kiroŭcaŭ, u hadziny pik pry napružanaj situacyi na darohach horada», — havoryć časova vykonvajučy abaviazki namieśnika načalnika ŭpraŭleńnia DAI UUS Viciebskaha abłvykankama Rusłan Karajeŭ.
Ciapier va ŭpraŭleńni jość dva raźviedvalnyja robaty, jakija zdolnyja padymacca na vyšyniu da 6 km.
«Najaŭnaść takoha sučasnaha techničnaha srodku dyscyplinuje kiroŭcaŭ, i ŭ vypadku DTZ zdymka ź jaho źjaŭlajecca biassprečnym dokazam», — kaža Karajeŭ.
Pavodle jaho, padčas kantrolu na skryžavańni praśpiekta Budaŭnikoŭ i vulicy Pietrusia Broŭki dron pieradaŭ sihnały ab rezkich manieŭrach niekalkich kiroŭcaŭ. U vyniku pry praviercy akazałasia, što dvoje aŭtaamataraŭ — mužčyna i žančyna — znachodzilisia za rulom u stanie ałkaholnaha apjanieńnia.
«Novyja techničnyja srodki dapamohuć sačyć za paradkam na darohach i zadziejničać mienšuju kolkaść supracoŭnikaŭ DPS», — padkreśliŭ Rusłan Karajeŭ.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary