Рух «Талібан» абвясціў, што афганскім жанчынам з гэтага часу забаронена навучацца ва ўніверсітэтах.
Як гаворыцца ў заяве Міністэрства адукацыі, абмежаванне доступу жанчын ва ўніверсітэты ўступае ў сілу неадкладна і на нявызначаны тэрмін.
Жанчын у Афганістане паслядоўна пазбаўляюць магчымасці атрымліваць адукацыю.
Летась талібы забаранілі дзяўчынкам наведваць сярэднія школы. У сакавіку гэтага года «Талібан» раскрытыкавалі замежныя ўрады пасля таго, як талібы, падаўшы некалькі сігналаў аб тым, што школы для дзяўчынак хутка могуць быць адчыненыя, у выніку пакінулі іх зачыненымі.
Прыёмныя экзамены ў афганскія ўніверсітэты прайшлі тры месяцы таму — сярод паступіўшых былі тысячы маладых жанчын.
Аднак на прадметы і спецыяльнасці, якія яны маглі вывучаць, былі накладзеныя сур'ёзныя абмежаванні. Ветэрынарыя, інжынерная справа, эканоміка і сельская гаспадарка былі цалкам забароненыя для жанчын, а на журналістыку накладзеныя сур'ёзныя абмежаванні.
Пасля таго, як талібы захапілі ўладу ў Афганістане ў мінулым годзе, ва ўніверсітэтах увялі асобнае навучанне і асобныя ўваходы для мужчын і жанчын. Жанчын пры гэтым маглі навучаць толькі іншыя жанчыны ці мужчыны старэйшыя за пэўны ўзрост.
У лістападзе жыхаркам Кабула быў таксама забаронены ўваход у гарадскія паркі. Талібы палічылі, што такія дзеянні парушаюць нормы шарыяту. Прыкладна тады ж жанчынам забаранілі наведваць басейны і спартзалы ў афганскай сталіцы.
Чакалася, што гэтыя правілы будуць распаўсюджаны на ўсю краіну.
Жыхаркі Кабула яшчэ ў пачатку года выходзілі на акцыі з патрабаваннем вярнуць ім права на працу і адукацыю, але гэтыя акцыі жорстка душыліся.
Некалькі тыдняў таму ў краіне была затрыманая актывістка па абароне правоў жанчын Зарыфа Ягубі і яшчэ тры чалавекі. Нягледзячы на шматлікія заклікі да іх вызвалення з боку ААН і іншых арганізацый, талібы ніяк не адрэагавалі на гэта.
На мінулым тыдні 12 чалавек, у тым ліку тры жанчыны, былі падвергнутыя лупцоўцы на футбольным стадыёне ў Афганістане на вачах у тысяч гледачоў.
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?19
Каментары
недамужычкІ
баяцца жаночага розуму
дыскрымінацыя па полавай прыкмеце паўсюль існуе. паўсюль
проста ў т.зв. цывілізаваных краінах яна больш завулявана
Женщины, несомненно, умеют делать много потрясающих вещей (в этом месте облизнулся), но у большинства ИМХО разум не самое опасное оружие, скажем прямо. Одни эмоции. Простите, гобб сексист. Я не сторонник говорить, что место женщины только на кухне и в спальне, но и не сторонник феминистских глупостей. Вам не следует бояться за талибов)