Ruch «Taliban» abviaściŭ, što afhanskim žančynam z hetaha času zabaroniena navučacca va ŭniviersitetach.
Jak havorycca ŭ zajavie Ministerstva adukacyi, abmiežavańnie dostupu žančyn va ŭniviersitety ŭstupaje ŭ siłu nieadkładna i na niavyznačany termin.
Žančyn u Afhanistanie paśladoŭna pazbaŭlajuć mahčymaści atrymlivać adukacyju.
Letaś taliby zabaranili dziaŭčynkam naviedvać siarednija škoły. U sakaviku hetaha hoda «Taliban» raskrytykavali zamiežnyja ŭrady paśla taho, jak taliby, padaŭšy niekalki sihnałaŭ ab tym, što škoły dla dziaŭčynak chutka mohuć być adčynienyja, u vyniku pakinuli ich začynienymi.
Pryjomnyja ekzamieny ŭ afhanskija ŭniviersitety prajšli try miesiacy tamu — siarod pastupiŭšych byli tysiačy maładych žančyn.
Adnak na pradmiety i śpiecyjalnaści, jakija jany mahli vyvučać, byli nakładzienyja surjoznyja abmiežavańni. Vieterynaryja, inžyniernaja sprava, ekanomika i sielskaja haspadarka byli całkam zabaronienyja dla žančyn, a na žurnalistyku nakładzienyja surjoznyja abmiežavańni.
Paśla taho, jak taliby zachapili ŭładu ŭ Afhanistanie ŭ minułym hodzie, va ŭniviersitetach uviali asobnaje navučańnie i asobnyja ŭvachody dla mužčyn i žančyn. Žančyn pry hetym mahli navučać tolki inšyja žančyny ci mužčyny starejšyja za peŭny ŭzrost.
U listapadzie žycharkam Kabuła byŭ taksama zabaronieny ŭvachod u haradskija parki. Taliby paličyli, što takija dziejańni parušajuć normy šaryjatu. Prykładna tady ž žančynam zabaranili naviedvać basiejny i spartzały ŭ afhanskaj stalicy.
Čakałasia, što hetyja praviły buduć raspaŭsiudžany na ŭsiu krainu.
Žycharki Kabuła jašče ŭ pačatku hoda vychodzili na akcyi z patrabavańniem viarnuć im prava na pracu i adukacyju, ale hetyja akcyi žorstka dušylisia.
Niekalki tydniaŭ tamu ŭ krainie była zatrymanaja aktyvistka pa abaronie pravoŭ žančyn Zaryfa Jahubi i jašče try čałavieki. Niahledziačy na šmatlikija zakliki da ich vyzvaleńnia z boku AAN i inšych arhanizacyj, taliby nijak nie adreahavali na heta.
Na minułym tydni 12 čałaviek, u tym liku try žančyny, byli padvierhnutyja łupcoŭcy na futbolnym stadyjonie ŭ Afhanistanie na vačach u tysiač hledačoŭ.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?21
Kamientary
niedamužyčkI
bajacca žanočaha rozumu
dyskryminacyja pa połavaj prykmiecie paŭsiul isnuje. paŭsiul
prosta ŭ t.zv. cyvilizavanych krainach jana bolš zavulavana
Žienŝiny, niesomnienno, umiejut diełať mnoho potriasajuŝich vieŝiej (v etom miestie obliznułsia), no u bolšinstva IMCHO razum nie samoje opasnoje oružije, skažiem priamo. Odni emocii. Prostitie, hobb sieksist. Ja nie storońnik hovoriť, čto miesto žienŝiny tolko na kuchnie i v spalnie, no i nie storońnik fieministskich hłupostjej. Vam nie śledujet bojaťsia za talibov)