Majecie prablemy sa snom? Voś niekalki sposabaŭ, jak ich pazbavicca
Chto z nas nikoli nie sutykaŭsia ź biessańniu? Na ščaście, jość praviły, dziakujučy jakim možna značna pavysić svaje šansy na dobry son. Lea Ajryš, ekśpiertka pa snu z amierykanskaha Univiersiteta Paŭnočnaj Dakoty, patłumačyła dla New York Times, jak jana sama zabiaśpiečvaje sabie dobry adpačynak nočču.
Ekśpiertka tłumačyć, što dla dobraha snu važna adsočvać jahonuju jakaść. Sama Ajryš, kali pračynajecca ranicaj, analizuje, jak jana spała i jak na jaje son paŭpłyvała toje, što jany rabiła minułym viečaram. Vyvučać heta možna z dapamohaj śpiecyjalnych hadžetaŭ ci mabilnych dadatkaŭ dla adsočvańnia snu.
Daśledavańni pakazvajuć, što my lepš śpim, kali ŭ spalni chaładnavata. Tamu, raić doktarka Ajryš, važna pravilna padbirać paścielnuju bializnu, kab vam nie było zanadta horača spać. Kali ŭ spalni čysta i prybrana, heta taksama spryjaje dobramu adpačynku.
Ajryš ličyć, što telefony — vorahi snu. Svoj mabilny ekśpiertka nočču kładzie na inšym kancy pakoju ad siabie, tak, kab jana nie mahła prosta daciahnucca da jaho z łožka. Doma ŭ daśledčycy žyvie sabaka, i joj davodzicca zamykać jaho na noč u inšym pakoi, bo inakš sabaka kładziecca na łožak da haspadaroŭ i pieraškadžaje im spać.
Ekśpiertka raskazvaje, što kali vy žadajecie dobra spać, vam treba ŭličvać heta pry płanavańni vašaha času. Sama Ajryš časta płanuje svaje sustrečy ź siabrami tak, kab jany nie pieraškadžali jaje nieabchodnaści dastatkova adpačyvać, a nie naadvarot.
Narešcie, amierykanka viedaje pa sabie, što dapamahaje joj lepš spać, a što — škodzić adpačynku. Kafiein nie ŭpłyvaje na jaje son, a voś praca dapazna jamu pieraškadžaje, tamu ekśpiertka starajecca skančać pracu ŭ čas, kab potym spakojna nastroicca na son. Jana raić nazirać za saboj, viedać, što pieraškadžaje vašamu snu, i ŭstrymlivacca ad hetaha ŭviečary.
Pavodzicie siabie jak ehaist? Napeŭna, vy prosta mała śpicie
Jak chutka zasnuć, kali vam treba rana ŭstavać
Nijakaj biassońnicy: prapanujem mietad, ź jakim vy možacie zasnuć za chvilinu
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary