BT pakazała Ziankoviča, kab toj źviarnuŭsia da Trampa i Charys z prośbaj zabrać jaho
U efiry BT vyjšaŭ film z «pryznańniami» palitźniavolenaha Jurasia Ziankoviča. Jon, schudnieły da niepaznavalnaści biełaruski palityk i amierykanski juryst, stojačy ŭ šlopancach pasiarod zmročnaha prahułačnaha dvoryka turmy №4 Mahilova, u padrabiaznaściach raskazvaŭ pra toje, jak u 2021 hodzie nibyta źbiraŭsia brać uładu ŭ svaje ruki.
Da intervju Ziankoviča, vidavočna, padrychtavali zahadzia. Na kožny zvarot žurnalista Jaŭhiena Horyna jon adkazvaŭ, nie zadumvajučysia ni na siekundy, nibyta smakujučy fantazii pra zabojstva Alaksandra Łukašenki roznymi sposabami — choć z hranatamiota, choć z kulamiota.
Ci jość choć kropla surjoznaści ŭ hetych raspoviedach? Nie. U svaich marach Ziankovič moh bačyć siabie kiraŭnikom krainy, ale heta nie maje ničoha ahulnaha z realnym žyćciom.
Naturalna, Ziankovič nie moh skazać u efiry hałoŭnaha — adzinaj zadačaj «vajskoŭcaŭ», jakija nibyta źbiralisia dapamahčy zładzić jamu dziaržaŭny pieravarot, ad pačatku było raźvieści jaho i jaho naiŭnych paplečnikaŭ. Za ŭsioj kamandaj «zahavorščykaŭ» nie stajała nikoha, aproč ich samich.
Dla čaho ž ciapier, praz try hady paśla aryštu Jurasia Ziankoviča, Alaksandra Fiaduty i Ryhora Kastusiova, było ŭzhadvać tuju spravu — trahikamičnuju dla ŭsich, aproč hetych palitykaŭ?
Naprykancy filma Ziankoviča raźviarnuli tvaram da kamiery i paprasili skazać, što jon napisaŭ prašeńnie ab pamiłavańni i źviartajecca da kandydataŭ u prezidenty ZŠA z prośbaj dapamahčy jamu viarnucca ŭ Techas. Łukašysty chočuć patarhavacca z amierykancami, prapanujučy im Ziankoviča, u jakoha jość hramadzianstva i Biełarusi, i ZŠA.
-
U žodzinskaj paliklinicy abviarhajuć, što ŭ ich u rehistratury pamior mužčyna
-
Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
-
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie58
Kamientary