Nijakaj biassońnicy: prapanujem mietad, ź jakim vy možacie zasnuć za chvilinu
Zdajecca, z kožnym takoje byvała: vy lažycie ŭ łožku, hladzicie ŭ stol i nijak nie možacie zasnuć. Na ščaście, jość šmat sposabaŭ, jak dać rady takomu stanu, i adzin ź ich my vam siońnia prapanujem.
Biassońnica moža zdaracca epizadyčna, a moža pieratvaracca ŭ pastajannuju prablemu. U asnoŭnym jana vyhladaje tak: vy kładziaciesia spać, ale son doŭha nie prychodzić, piša ofeminin.pl.
U vyniku vy pozna zasynajecie, a ranicaj vam ciažka ŭstać svoječasova. Heta pryvodzić da niedachopu enierhii i paharšeńnia samaadčuvańnia, a taksama da taho, što ŭ najmienš žadany momant uźnikaje drymotnaść. Paśla dnia, praviedzienaha takim čynam, znoŭ byvaje ciažka zasnuć, u hety raz praz stomlenaść.
Ale ž jość roznyja mietady, jakija dapamahajuć spravicca ź biassońnicaj. Naprykład, vy možacie pasprabavać mietad dychalnaj praktyki 4-7-8. Jaho aŭtar — doktar Endru Vejł z Harvardskaha ŭniviersiteta, jaki natchniaŭsia staražytnaj technikaj kantrolu dychańnia — pranajamaj. Navukoviec kaža, što rehularnaje ŭžyvańnie hetaha mietadu dapamahaje zasynać chutka i prosta.
Pierad tym, jak układvacca spać, pravietrycie pakoj, pryhłušycie śviatło i vyklučycie, kali heta mahčyma, huk na telefonie. Usio, što vy bačycie vakoł siabie, pavinna dapamahać vam nastroicca na spakojny adpačynak. Potym kładziciesia ŭ łožak i vykonvajcie nastupnyja dziejańni:
1) Prymicie na łožku takoje stanovišča, jakoje dazvalaje svabodna dychać.
2) Zapluščycie vočy i ŭpryciesia končykam jazyka ŭ padniabieńnie za zubami. Trymajcie tam jazyk na praciahu ŭsioj dychalnaj praktyki.
3) Udychajcie praz nos na praciahu 4 siekund, potym zatrymajcie dychańnie na 7 siekund i vydychajcie na praciahu 8 siekund. Vykanajcie da 4 takich cykłaŭ dychańnia.
Mietad 4-7-8 dapamahaje rassłabicca, bo padčas praktyki vy zasiarodžvajeciesia na dychańni, i heta adciahvaje vašu ŭvahu ad paŭsiadzionnaha žyćcia. Takaja praktyka źmiakčaje nastupstvy stresu, dobra nasyčaje cieła kisłarodam i dapamahaje chutčej zasnuć.
Stvaralnik mietadu rekamienduje praktykavać jaho rehularna, nie mienš za 2 razy na tydzień. Spačatku jon moža nie prynieści bačnych vynikaŭ, ale z časam vy dakładna budziecie zasynać chutčej i lahčej.
U jaki čas sutak lepiej pić kavu
Jak zmahacca z chrapam? Piać sposabaŭ
Brytanskija daktary zamianili leki ad biassońnicy niečym lepšym
-
Vučonyja adkryli amaładžalny efiekt raspaŭsiudžanaha preparatu ad dyjabietu
-
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
-
Vučonyja raskazvajuć, jak prostaja źmiena ŭ racyjonie charčavańnia moža palepšyć stan skury i imunitet
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary