Šmatdzietnaja maci Volha Załatar vyjšła na svabodu, całkam adbyŭšy čatyrochhadovy termin
Maci piaci dziaciej asudzili za stvareńnie «ekstremisckaha farmiravańnia» i ŭdzieł u pratestach.
Šmatdzietnuju maci Volhu Załatar zatrymali 18 sakavika 2021 hoda. Jana jakraz viezła 10-hadovuju dačku ŭ muzyčnuju škołu.
Supracoŭniki HUBAZiKa raźviarnuli jaje mašynu i praviali da domu. Tam prajšoŭ pieratrus, paśla jakoha Volhu zabrali ŭ izalatar, a paźniej pieraviali ŭ SIZA-1 na Vaładarskaha.
Abvinavacili jaje pa nastupnych artykułach Kryminalnaha kodeksa: č. 1 art. 361-1 (stvareńnie ekstremisckaha farmiravańnia); č. 1 i 2 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak); č. 1 art. 16 č. 1 art. 342 (pasobnictva da arhanizacyi dziejańniaŭ, jakija hruba parušajuć hramadski paradak).
3 śniežnia 2021 hoda Załatar pakarali čatyrma hadami kałonii va ŭmovach ahulnaha režymu.
19 vieraśnia 2024 hoda skončyŭsia pryznačany joj termin. Volha adsiedzieła jaho da kanca.
Volha Załatar — mahistarka sacyjałohii, maci piaciarych dziaciej. Padčas vybaraŭ 2020 hoda jana była naziralnicaj, pracavała vałanciorkaj kala Akreścina.
Nazvali imiony apošnich palitviaźniaŭ, vyzvalenych 16 vieraśnia
Harbunova: «Nie mužčynam, jakija źjechali ŭ 2020-m, raskazvać mnie pra represii i katavańni»
U žniŭni pa pamiłavańni vyzvaliłasia palitźniavolenaja piensijanierka Natalla Taran
«Pieraapranuli ŭ cyvilnaje adzieńnie, dali hrošy na darohu i adpravili preč». Jak palitviaźni vychodziać pa pamiłavańni
«Lacieli vielmi nizka». Łukašenka pryznaŭ pralot dronaŭ nad Biełaruśsiu4
Kamientary