U Vialikabrytanii praviali pieršuju ŭ śviecie apieracyju na złamanaj nazie nasaroha
Vieterynarnyja śpiecyjalisty praviali ŭnikalnuju apieracyju na łapie samki paŭdniovaha biełaha nasaroha. Raniej žyvioła paškodziła kaniečnaść, što pryviało da pierałomu łokcievaj kostki.
Jak paviedamlajuć u Phys.org, dvuchhadovaja samka Amara ŭ pačatku 2024 hoda pačała kulhać na pravuju piaredniuju nahu. Tamu rabotniki zaaparka Knowsley Safari źviarnulisia pa dapamohu da śpiecyjalistaŭ Livierpulskaha ŭniviersiteta.
Akazałasia, što 800-kiłahramovaja samka mieła pierałom łokcievaj kaniečnaści, jakaja ŭvachodzić u nižniuju častku piaredniaj łapy.
Pakolki va ŭsim śviecie niama nijakich zapisaŭ ab lačeńni nasarohaŭ z takoj traŭmaj, kab dapamahčy Amary miedyki vyrašyli vykarystoŭvać dośvied lačeńnia koniej.
Amaru i jaje mamu dla supakajeńnia niamała čuchali i pacirali za žyvaty, što, pa słovach rabotnikaŭ Knowsley Safari, žyvioły asabliva lubiać.
Paśla śpiecyjalisty ŭviali ŭ sustaŭ Amary płazmu, uzbahačanuju trambacytami z kryvi žyvioły. Dziakujučy hetamu, samka atrymała bolšy patencyjał dla vyzdaraŭleńnia.
«Lačeńnie Amary było sapraŭdy navatarskim vieterynarnym padarožžam, jakoje ŭklučaje ŭ siabie mnostva ŭnikalnych pracedur, jakija my zaraz zadakumientujem na vypadak, kali inšyja śpiecyjalisty pa žyviołam sutyknucca z padobnym. Choć my vielmi spadziajemsia, što hetyja natatki nikoli nie spatrebiacca», — padsumavaŭ doktar Devid Stek.
Urešcie samka nasaroha znoŭ padniałasia na nohi i moža atrymlivać asałodu ad žyćcia na śviežym pavietry ŭ adkrytaj prastory zaaparka razam z astatnimi žyviołami.
Kamientary