Samalot F-16 va Ukrainie moh raźbicca ad askiepkaŭ rasijskaj rakiety
Niadaŭniaje krušeńnie va Ukrainie tolki što pastaŭlenaha amierykanskaha źniščalnika F-16 mahło być vyklikana paškodžańniami ad askiepkaŭ źbitaj rasijskaj rakiety, paviedamiła vydańnie Breaking Defense.
Jak daviedalisia žurnalisty, u noč, kali adbyłasia katastrofa samalota, piłot Alaksiej Mieś pavinien byŭ źbivać rasijskija rakiety i bieśpiłotniki ŭ supracoŭnictvie ź inšymi samalotami F-16, a taksama sistemami Patriot i inšymi naziemnymi batarejami SPA.
Pa źviestkach vydańnia, adzin z mahčymych scenaroŭ dalejšaha raźvićcia padziej, jaki abmiarkoŭvajuć va ŭkrainskim abaronnym viedamstvie, — heta toje, što F-16 vypadkova pralacieŭ praz vobłak askiepkaŭ paśla paśpiachovaha pierachoplivańnia i źniščeńnia adnoj z rasijskich rakiet.
Hetyja askiepki mahli paškodzić ruchavik i inšyja častki samalota, u vyniku čaho jon raźlacieŭsia na častki. Piłot Mieś, imavierna, zahinuŭ da taho, jak zmoh katapultavacca.
Prytym heta nibyta nie pieršy ŭkrainski samalot, jaki raźbiŭsia pa hetaj pryčynie, paviedamiła vydańnie, spasyłajučysia na krynicy va ŭkrainskaj abaronnaj halinie.
U artykule adznačajecca, što da hetaha nibyta ad askiepkaŭ źbitych rakiet ukraincami byli stračanyja dva samaloty MiH-29 i dva Su. Ale raniej takija vypadki nie pryciahvali ŭvahi, bo heta nie była strata darahich i sučasnych F-16.
Adrazu paśla straty samalota F-16 prezident Ukrainy Uładzimir Zialenski zvolniŭ kamandujučaha Vajskova-pavietranymi siłami Mikołu Aleščuka. Paralelna z hetym chadzili viersii, što samalot moh być źbity ŭłasnymi srodkami SPA, abo źniščany rasijskaj rakietaj na ziamli.
«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK1
Kamientary