Izrailski biznesmien pajšoŭ na kantakty ź iranskaj raźviedkaj dziela biełaruskaj žonki
U noč na piatnicu izrailski telekanał «Kan» apublikavaŭ detali kryminalnaj spravy suprać hramadzianina Izraila Moci Mamana, jakoha abvinavačvajuć u supracoŭnictvie ź iranskaj raźviedkaj. Toj svaje dziejańni tłumačyć siarod inšaha darahoŭlaj utrymańnia žonki ź Biełarusi.
73-hadovy biznesmien, jaki žyvie ŭ horadzie Aškiełon na poŭdni Izraila, patłumačyŭ svaje pieramovy ź irancami hrašovaj patrebaj — u pryvatnaści, jon skazaŭ, što jamu «doraha abychodzicca ŭtrymańnie žonki ź Biełarusi».
«U mianie žonka ź Biełarusi, jaje doraha ŭtrymlivać. Kali b ja žyŭ u Biełarusi, tam usio tanna, a tut navat vyjści vypić piva kaštuje 120 šekielaŭ (30 dalaraŭ). Mnie patrebnyja byli hrošy, i hrošy mianie zaślapili», — cytuje telekanał «Kan» śviedčańni abvinavačanaha padčas dopytu ŭ palicyi.
Maman taksama raskazaŭ, što irancy nie mieli nadziei zabić premjer-ministra Izraila Bińjamina Nietańjachu ci kaho-niebudź ź ministraŭ, razumiejučy, što ich mocna achoŭvajuć, ale sprabavali daviedacca, ci moža Maman zakłaści bombu, naprykład, u aŭtamabil mera horada Naharyja (raniej Maman vioŭ biznes u hetym horadzie i, jak padazrajuć, byŭ źviazany ź miascovym kryminalitetam).
«Iraniec spytaŭ u mianie, ci znajomy ja z meram Naharyi i ci hatovy ja pryvieści ŭ dziejańnie bombu, ad jakoj jon uźlacić u pavietra. Jany chacieli čaho-niebudź vialikaha i hučnaha, kab pra heta havaryli», — pryznaŭsia biznesoviec.
«Biełaruskaja žonka», pra jakuju havaryŭ Maman, taksama była dapytanaja słužbaj biaśpieki Izraila ŠABAK. Jana pryznałasia, što viedała pra pajezdki muža ŭ Iran i chvalavałasia nakont hetaha, a taksama paviedamiła, što Maman pytaŭsia ŭ jaje, ci puskajuć u Biełaruś iranskich hramadzian.
Jość u arsienale Moci Mamana i inšyja apraŭdalnyja viersii. Tak, jon śćviardžaje, što nibyta naŭmysna ŭstupiŭ u kantakt ź Iranam, kab paźniej zdać viarboŭščyka. Taksama jon kazaŭ, što jamu jak biznesmienu ŭ Iranie prapanavali handlavać śpiecyjami, tamu jon i pajechaŭ tudy na pieramovy.
U toj ža čas advakat izrailcianina havoryć pra toje, što kantakty Mamana ź Iranam nibyta mahli być uzhodnienyja ź izrailskimi śpiecsłužbami:
«Na słužbie ŭ siłavych strukturach jon prasłužyŭ dvaccać hadoŭ. Jon dapamahaŭ im u atrymańni raźvieddanych i infarmacyi. U jakaści pamočnika jon šmat hadoŭ znachodziŭsia ŭ Turcyi i pracavaŭ na ich. Słužby biaśpieki całkam adrakajucca ad jaho».
Bujnoje izrailskaje vydańnie abyhrała proźvišča Sałaŭjova na iŭrycie. Atrymaŭsia žorstki ruski mat
Izrail staŭ bambić paŭdniovy Livan
Jak Izrail stvaryŭ sučasnaha «trajanskaha kania» dla «Chiezbały» — cikavyja detali apieracyi z pejdžarami
Apieracyja z pejdžarami była praviedzienaja raniej, bo «Chiezbała» zapadozryła niešta niadobraje
Kamientary
- Nu a s čjim žie jeŝie?
- Kakaja skukacišča!"
Biełaruskija žonki nie musiać pić piva z mužam! Dy jašče za 120 šekielaŭ.