Kavamašynu ramantavali amal paŭhoda — biełaruska pajšła ŭ sud i atrymała maralnuju kampiensacyju
Historyja pačałasia jašče ŭ mai minułaha hoda: žančyna addała ŭ ramont kavamašynu i zapłaciła 380 rubloŭ. Kali praź miesiac kurjer viarnuŭ techniku, akazałasia, što niaspraŭnaść nie źnikła, piša Onliner.by.
IP paabiacaŭ znoŭ zabrać kavamašynu, ale zrabiŭ heta tolki ŭ žniŭni. Ramont zaciahvaŭsia, 3 studzienia 2024 hoda žančyna nie atrymała jaje nazad i pajšła ŭ sud Śvietłahorskaha rajona.
Jana prasiła skasavać damovu, viarnuć 380 rubloŭ za pieršapačatkovy ramont i 642,2 rubla niaŭstojki, a taksama vypłacić 150 rubloŭ maralnaj kampiensacyi. Akramia taho, jana nastojvała na kampiensacyi sudovych vydatkaŭ za košt IP.
Padčas sudovaha razboru vyśvietliłasia, što kavamašyna niaspraŭnaja, a pieršapačatkovy ramont byŭ niajakasnym. Paśla druhoha ramontu z-pad korpusa pačała praciakać vada.
Rašeńniem suda damova akazańnia pasłuh była skasavana. Z adkazčyka na karyść žančyny spahnali 380 rubloŭ, jakija jana zapłaciła za ramont, plus 380 rubloŭ niaŭstojki i 150 rubloŭ kampiensacyi maralnaj škody, taksama vyrašana pytańnie ab sudovych vydatkach.
Rašeńnie suda nie abskardžana, nie apratestavana i ŭstupiła ŭ zakonnuju siłu.
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary