Prezident Ukrainy Uładzimir Zialenski raskryŭ novuju detal pra «płan pieramohi», jaki jon płanuje prezientavać prezidentu ZŠA Džo Bajdenu na nastupnym tydni. Jak paviedamlaje «Jeŭrapiejskaja praŭda», pra heta jon raskazaŭ u adkaz na pytańnie ŚMI na sumiesnaj pres-kanfierencyi z prezidentkaj Jeŭrakamisii ŭ Kijevie.
Zialenski adznačyŭ, što nie choča raskryvać padrabiaznaściaŭ raniej, čym abmiarkuje płan z Džo Bajdenam.
«U bolšaści svajoj rašeńni pa płanie zaležać mienavita ad jaho. Ad inšych sajuźnikaŭ taksama, ale jość punkty, jakija zaležać mienavita ad pazityŭnaj voli i padtrymki Złučanych Štataŭ. Vielmi raźličvaju, što jon padtrymaje hety płan,» — skazaŭ prezident Ukrainy.
Zialenski taksama adznačyŭ, što realizacyja hetaha płanu zapatrabuje chutkich rašeńniaŭ partnioraŭ i raskryŭ, na jaki pieryjad raźličany hety płan.
«Płan raźličany na rašeńni, jakija pavinny być pryniatyja z kastryčnika da śniežnia… Tady my ličym, što płan spracuje,» — skazaŭ jon.
Raniej Zialenski raskryŭ, što płan składajecca z čatyroch punktaŭ ab umacavańni abaronazdolnaści Ukrainy «plus adzin, jaki nam patrebny paśla vajny».
Jon taksama prakamientavaŭ, što płanuje rabić, kali prezident Bajden nie padtrymaje taki płan dziejańniaŭ i «patrebien budzie płan «B».
«My ŭžo ŭ płanie «B», my ŭ im žyviom i zmahajemsia. U nas nikoli nie było płana «A», bo płan «A» byŭ — nie dapuścić poŭnamaštabnaha ŭvarvańnia, umacavać Ukrainu zbrojaj i previentyŭna ŭvieści sankcyi suprać RF, kab jana bajałasia navat dumki pra poŭnamaštabnaje ŭvarvańnie. Tak što my ŭžo ŭ hetym płanie,» — skazaŭ Zialenski.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta5
Kamientary
Kak žie ty vsiech dostał KVNŝik niedodiełannyj.