U Livanie novyja vybuchi pryład dla suviazi. Hetym razam uzryvajucca racyi
Pavodle danych žurnalistaŭ, vybuchi adbyvajucca pa ŭsim Livanie, u tym liku ŭ Biejrucie. Adnak hetym razam vybuchi zakranajuć inšyja pryłady, takija jak racyi.
Vybuchi taksama adbyvajucca ŭ žyłych damach.
Vybuchi pryład pačalisia ŭ pryharadzie Biejruta — Dachii, dzie raźmiaščajecca asnoŭnaja baza «Chiezbały». Pavodle danych Reuters, racyi, jakija vybuchnuli siońnia, byli nabytyja «Chiezbałoj» piać miesiacaŭ tamu, prykładna ŭ toj ža čas, kali byli nabytyja i pejdžary, što vybuchnuli raniej.
Adznačajecca, što siońniašnija vybuchi macniejšyja, bo racyi majuć bolšy pamier, što dazvalaje schavać bolš vybuchoŭki. Žychary Biejruta ciapier publikujuć kadry zharełych aŭtamabilaŭ i pažaraŭ, jakija adbylisia ŭ žyłych damach.
Pavodle papiarednich danych, zdetanavała kala 500 racyj i radyjopryjomnikaŭ, što naležali členam arhanizacyi «Chiezbała». Vybuchi pačalisia padčas pachavańnia syna adnaho ź lidaraŭ šyickaj vajenizavanaj hrupoŭki Ali Amara.
Miascovyja ŚMI paviedamlajuć pra zahinułych, adnak aficyjnych kamientaroŭ pakul niama.
Dniom raniej u Livanie ŭ členaŭ «Chiezbały» masava vybuchali pejdžary. Ministerstva achovy zdaroŭja Livana raniej paviedamiła, što ŭ vyniku hetych vybuchaŭ zahinuli 12 čałaviek, a 2800 atrymali ranieńni.
Pejdžary, jakija vybuchnuli ŭ Livanie, byli zroblenyja ŭ Vienhryi
Izrail jašče na vytvorčaści zakłaŭ vybuchoŭku ŭ tajvańskija pejdžary dla «Chiezbały» — Reuters
Apieracyja z pejdžarami była praviedzienaja raniej, bo «Chiezbała» zapadozryła niešta niadobraje
U padkładańni vybuchoŭki ŭ pejdžary «Chiezbały» abvinavačvajecca «Masad»
Ad vybuchu pejdžara «Chiezbały» paciarpieŭ pasoł Irana ŭ Livanie
Izrail pravioŭ kibierataku na členaŭ «Chiezbały». Pejdžary 1200 bajevikoŭ adnačasova ŭzarvalisia prosta ŭ kišeniach VIDEA
Sałaŭjoŭ śćviardžaje, što za vybuchi pejdžaraŭ u Livanie adkazny izrailski ahient «Machšyr Kiešer». Rahoča ŭvieś internet
Kamientary
" čypavanyja " ŭsie . Voś siadzi i čuchaj patylicu )))