Урад Арменіі 9 студзеня зацвердзіў праект закона «Аб пачатку працэсу ўступлення Рэспублікі ў Еўрапейскі Саюз». Пытанне прадставіў міністр замежных спраў Арарат Мірзаян, піша News.am.
«У апошнія гады Арменія і ЕС мелі даволі інтэнсіўныя і дынамічныя адносіны. Яны мелі вельмі насычаны змест і ахоплівалі розныя сферы. ЕС з розных нагодаў выказваў выразную палітычную падтрымку дэмакратыі ў Арменіі. Я маю на ўвазе разгорнутую грамадзянскую назіральную місію ЕС. ЕС таксама выказаў гатоўнасць садзейнічаць умацаванню эканамічнай устойлівасці Арменіі. Відавочна, што ЕС мае багатыя дэмакратычныя традыцыі, моцныя дэмакратычныя інстытуты, свабоднае канкурэнтнае асяроддзе, сучасную эканоміку і развітую навуку», — расказаў Мірзаян.
Ён звярнуў увагу на словы прэм'ера Нікола Пашыняна, што Арменія гатова быць бліжэй да ЕС настолькі, наколькі ЕС палічыць гэта магчымым, заявіў міністр замежных спраў.
Каментары