Эканоміка44

МАЗ губляе пазіцыі і ў Расіі

Пад ціскам канкурэнтаў беларускі вытворца грузавікоў паступова губляе свой галоўны рынак, піша выданне «Беларусы і рынак».

Фота: архіў «МАЗ»

Летась МАЗ павялічыў продажы грузавікоў на расійскім рынку, але разам з тым іх доля на тым жа рынку скарацілася.

Паводле даных Аўтастата, МАЗ летась прадаў у Расіі 6,3 тыс. грузавікоў. Амаль на 44% больш, чым годам раней. Статыстыка выглядае даволі сімпатычна.

Але, нягледзячы на ўражальныя працэнты росту, продажы беларускіх грузавікоў у Расіі раслі значна павольней за рост рынку. Агулам летась у Расіі было прададзена 143,7 тыс. новых грузавікоў. І гэта на 70% больш, чым годам раней. І на фоне гэтых 70% саракапрацэнтны рост продажаў МАЗаў ужо не выглядае такім самавітым.

Адпаведна, доля грузавікоў МАЗ на расійскім рынку летась зменшылася да 4,4% з 5,2%. Беларускія грузавікі ў Расіі адсоўваюць канкурэнты. Другое месца на расійскім рынку пасля КАМАЗ, заняў кітайскі Sitrac, які павялічыў продажы сваіх грузавікоў у 6,4 разы. На трэцім месцы таксама кітайская кампанія SHACMAN з ростам продажаў больш чым у два разы.

А кітайскі Foton павялічыў продажы сваіх машын наогул у 43 разы. Калі ў 2022 годзе гэта кампанія прадала ў Расіі толькі 145 машын, то ў 2023 годзе яна амаль дагнала МАЗ, прадаўшы 6,27 тыс. аўтамабіляў. На фоне кітайскіх поспехаў беларускі рост ужо зусім не ўражвае.

Да таго ж пры росце продажаў за год больш чым на 40% у снежні продаж грузавікоў МАЗ у Расіі скараціўся на 5,5%. Калі ў снежні 2022 года МАЗ прадаў 566 сваіх грузавікоў, то ў снежні 2023 ужо толькі 535. Пры тым, што рынак продажу грузавікоў у Расіі працягваў расці. І за снежань мінулага года ён вырас амаль на 20%. На 70% нарасціў свае продажы Sitrac, на 10% — SHACMAN, і амаль у восем разоў — кітайскі Foton.

І яшчэ адна маленькая, але ад гэтага не меней важная дэталь, складаецца ў прычынах, па якіх рынак расійскіх грузавікоў паказаў такі бурны рост. Відавочна, гэта адбылося з прычыны ваенных дзеянняў ва Украіне. Таму што для вайны патрэбныя не толькі танкі і самалёты. Патрэбныя яшчэ грузавікі, каб перавозіць ваенныя грузы.

Адпаведна, большая частка прыросту прыйшлася на дзяржаўны абаронны заказ. Сферу, у якой беларускія ўлады заўсёды сябе адчувалі, як рыба ў вадзе. Гэта значыць, кітайцы адсоўваюць беларускіх вытворцаў нават там, дзе палітычныя меркаванні, асабістыя сувязі і ўменне дамовіцца заўсёды пераважалі над рыначнымі меркаваннямі.

Каментары4

  • вечарэла,
    14.01.2024
    Кузя, маю інсанэра ў вярхах маза. Так, сапраўды кляпаюць цяжкавікі, як яны кажуць "зялёныя". Але самі кажуць, што якасць даваць туды сэнсу няма, бо вельмі кароткі час жыцця тэхнікі.
  • Янка
    14.01.2024
    Кузя, МАЗ ня мог нічога не прафукаць. Бо кітайцы яшчэ да вайны паступова выціскалі МАЗ з расейскага рынку. Што цалкам натуральна, бо кітайцы уздымалі свой тэхналагічны ўзровень, а МАЗ стаяў на месцы, бо не ідуць інвестары з грошамі і тэхналогіямі ў краіну, у якой "часам не да законаў", ды яшчэ з невялікім рынкам.
  • Серж
    15.01.2024
    Рынок нужно завоёвывать ценой и качеством, если качество МАЗ и т.д., оставляет желать лучшего, тогда пусть сами инженеры, чиновники на них ездят... Возьмите любой евро грузовик (тягач) и т.д., и сделайте так же. Не нужно придумывать велосипед, просто тупо скопируйте и всё, как китайцы это делают...

Падае курс даляра — чаму так?6

Падае курс даляра — чаму так?

Усе навіны →
Усе навіны

Стрыжак расказаў, ці мае прэзідэнцкія амбіцыі6

«Дачка Мара плакала ад гора». У Маладзечне дружалюбны лабрадор нечакана для ўсіх з'еў нутрыю Капібару — усеагульную любіміцу9

Золатавалютныя рэзервы Польшчы перавысілі рэкордныя $200 мільярдаў7

Хто такі Вадзім Красікаў, у якім так зацікаўленая Расія?1

У Калужскай вобласці пацярпеў крушэнне верталёт Мі-28, экіпаж загінуў2

Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны2

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню2

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

больш чытаных навін
больш лайканых навін

Падае курс даляра — чаму так?6

Падае курс даляра — чаму так?

Галоўнае
Усе навіны →