Грамадства77

Былы работнік спіртзавода з-пад Ельска, брат якога загінуў за Расію, паехаў у «ДНР» з гуманітаркай

«Я павінен забраць ордэн брата і наведаць яго магілу побач з бацькам», — заявіў мужчына.

Аляксандр — злева з кійком. Фота: тэлеграм-канал «Беларусь з Данбасам»

У прарасійскім канале «Беларусь з Данбасам» расказваецца пра Аляксандра, які паехаў у горад Амвросіеўка (Данецкі раён) перадаць гуманітарную дапамогу расійскім салдатам. Яго брат ваяваў на баку Расіі і загінуў, а цяпер пахаваны ў Горлаўцы (Данецкая вобласць).

«Я павінен забраць ордэн брата, наведаць яго магілу побач з бацькам і перадаць дапамогу хлопцам, з якімі ён абараняў родны горад», — прыводзіць словы мужчыны канал.

Размова пра 45-гадовага Аляксандра Стрыжака. Ягоную асобу мы вызначылі, дзякуючы звесткам ад «Кіберпартызанаў» і супастаўленню біяграфіі з той, што апісалі прапагандысты.

Аляксандр Стрыжак. Фота: канал «Беларусь з Данбасам»

Ён родам з Горлаўкі, горада, які з красавіка 2014-га акупаваны расійскай арміяй і ўваходзіў у «ДНР». Ён прыехаў у Беларусь разам з маці, якая, згодна са звесткамі ад «Кіберпартызанаў», у 2003-м атрымала расійскае грамадзянства. Аселі яны ў вёсцы Данілаўка, якая знаходзіцца ў Ельскім раёне Гомельскай вобласці.

Маці Аляксандра мела ІП, а таксама паспела папрацаваць у Ельскай спартыўнай школе і на Ельскім кансервавым заводзе. Сам мужчына афіцыйна працаваў толькі слесарам на Добрынскім спіртзаводзе (яшчэ ў 2007-м), а пасля значыўся беспрацоўным.

Добрынскі спіртзавод. Фота: foto-planeta.com

Па звестках «Кіберпартызанаў», мужчына паспеў займець праблемы з законам: некалькі адміністрацыйных спраў за «п'янкі» і крымінальная справа за кіраванне ў нецвярозым стане і стварэнне аварыйнай сітуацыі.

Бачна таксама, што ў мужчыны праблемы са здароўем — Стрыжак перасоўваецца з дапамогай кійка.

Імаверна, ягоны брат быў украінцам па грамадзянстве, бо ў беларускіх базах брата ў Аляксандра няма. Ягоны бацька памёр і пахаваны ў Горлаўцы. Невядома, кім быў ягоны брат і калі загінуў на вайне. Лукашысцкі канал піша, што пасмяротна яго ўзнагародзілі ордэнам і пахавалі побач з бацькам.

Старонка Аляксандра ў сацыяльнай сетцы «Укантакце»

Аляксандр купіў для расійскіх войскаў паўэрбэнкі, бензапілу, дызельны генератар і медыцынскія прэпараты (праўда, не ясна, на якія грошы, з улікам яго працоўнай біяграфіі). Усё гэта з дапамогай «валанцёраў» з РФ ён здолеў перадаць падраздзяленням. Наколькі вядома, ён ужо вярнуўся дадому.

Гуманітарка. Фота: тэлеграм-канал «Беларусь з Данбасам»

«Наша Ніва» звярнулася да яго па каментар, але Аляксандр не стаў гаварыць.

«Выбачайце, мне нецікавыя вашы пытанні», — адказаў ён.

«Наша Нiва» — бастыён беларушчыны

ПАДТРЫМАЦЬ

Каментары7

  • Людцы
    28.11.2023
    [Рэд. выдалена]
  • Сымон
    28.11.2023
    Аляксандр купіў для расійскіх войскаў паўэрбэнкі, бензапілу, дызельны
    генератар і медыцынскія прэпараты (праўда, не ясна, на якія грошы, з
    улікам яго працоўнай біяграфіі)


    Зразумела, што ў маргінала з дэпресыўнага рэгіёна на Гомельшчыні грошаў на падарункі расейскім акупантам ва Ўкраіне няма. Зрэшты іх мае лукашэнкаўская мастачка-прапагандыстка Жыгімонт, за халуйскія творы якой шчодра плаціць лукашэнка з грошаў беларускага бюджэту. Дарэчы, менавіта яна стаіць побач з сабжам.
  • Руслан
    28.11.2023
    Дарэчы, гэты талайскі тг-канал ў допісы ад 21.10.23 "спаліў" яшчэ адзінага лукашэнкаўскага топ-чыноўніка для спісу асобаў, датычных да дэпартацыі ўкраінскіх дзяцей:

    Хорошие новости!
    Губернатор
    Могилёвской области Анатолий Исаченко на встрече с представителем Фонда
    Талая в Могилёве Виталием Берёзко поддержал идею принять на
    оздоровление и отдых группу детей с Донбасса!
    Губернатором даны
    соответсвующие поручения и работа по подготовке программы пребывания
    началась. А сотрудники Фонда Талая при поддержке Постоянного комитета
    Союзного государства Беларуси и России приступили к формированию первой
    группы деток в Могилёв. География отдыха в Беларуси расширяется. Будем
    надеяться, что в скором времени каждый регион будет участником программы
    «Мы - одна семья!» по примеру Минска, Новополоцка, Солигорска, Гомеля и
    Могилёва.


Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Усе навіны →
Усе навіны

Борыс Джонсан: Трамп можа выратаваць Украіну8

Мінскі заапарк заклікаў беларусаў падзяліцца з жывёламі лішкамі ўраджаю

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

больш чытаных навін
больш лайканых навін

Раней тэрміну выйшаў на волю старшыня АГП Мікалай Казлоў1

Раней тэрміну выйшаў на волю старшыня АГП Мікалай Казлоў

Галоўнае
Усе навіны →