Эканоміка11

Для біржы алмазаў збудавалі самы вялікі будынак свету

Каля 90% усіх алмазаў свету праходзяць праз горад Сурат у Індыі. У лістападзе там плануецца адкрыццё новага будынка біржы алмазаў, які сваімі памерамі пераўзыходзіць гіганцкі будынак Пентагона ў ЗША.

 office building of Surat diamond bourse офісны будынак алмазнай біржы ў Сураце офисное здание Суратской алмазной биржи
Будынак алмазнай біржы ў індыйскім горадзе Сураце сваімі памерамі пераўзыдзе знакаміты Пентагон. Фота: suratdiamondbourse.in

Як адзначае CNN, будынак Surat Diamond Bourse сваёй плошчай у 650 тысяч квадратных метраў з'яўляецца найбуйнейшым офісным будынкам у свеце, апярэдзіўшы такім чынам Пентагон у ЗША.

Горад Сурат у штаце Гуджарат на захадзе Індыі налічвае амаль сем мільёнаў жыхароў і носіць неафіцыйную назву «Алмазны горад», паколькі праз яго праходзяць каля 90% усіх алмазаў у свеце. З лістапада ў новым будынку біржы будуць працаваць больш за 65 тысяч супрацоўнікаў: шліфоўшчыкі, паліроўшчыкі, дылеры.

15-павярховы будынак складаецца з дзевяці падвойных блокаў, якія змяшчаюць 4700 офісаў плошчаю ад 28 да 700 квадратных метраў. Офісы злучаныя цэнтральным калідорам, які нагадвае тэрмінал аэрапорту. Будынак займае плошчу большую за 14 гектараў. Апроч 131 ліфта, у ім ёсць канферэнц-залы, рэстараны, крамы і велнес-зоны.

Паводле даных CNN, будынак каштуе каля 350 мільёнаў еўра і быў спраектаваны індыйскай архітэктурнай фірмай Morphogenesis.

office building of Surat diamond bourse офісны будынак алмазнай біржы ў Сураце офисное здание Суратской алмазной биржи
Расліны і прахалодныя ўнутраныя дворыкі: новы будынак таксама хоча стаць піянерам у галіне кліматычных тэхналогій. Фота: https://www.suratdiamondbourse.in

Асаблівая ўвага была нададзена цеплазберажэнню. Сярэднегадавая тэмпература ў Сураце складае каля 27 градусаў Цэльсію, а ў самы цёплы месяц травень яна перавышае 30 градусаў. Дзевяць унутраных двароў спраектаваны такім чынам, каб забяспечваць ахаладжэнне і месцы для сустрэч на вольным паветры, а таксама забяспечваць нізкія выдаткі на электраэнергію.

Паводле слоў архітэктараў, цэнтральны калідор прызначаны для накіравання ахаладжальнай цягі паветра праз будынак. У той жа час «радыянтнае ахаладжэнне» («radiant cooling») забяспечвае цыркуляцыю ахалоджанай вады пад падлогаю для зніжэння тэмпературы ў памяшканні.

Хоць у асобных офісах будзе выкарыстоўвацца традыцыйная сістэма кандыцыянавання паветра, паводле ацэнак спецыялістаў, прыкладна палова будынку ахалоджваецца з дапамогай натуральнай вентыляцыі, а агульныя памяшканні сілкуюцца ад сонечнай энергіі.

Morphogenesis сцвярджае, што ўся канструкцыя спажывае на 50% менш энергіі, чым максімальна дазволена для атрымання «плацінавага» рэйтынгу ад Індыйскай рады па экалагічным будаўніцтве.

Праект быў ініцыяваны ў 2015 годзе. Само будаўніцтва працягвалася чатыры гады і было запаволена на два з-за абмежаванняў, звязаных з кавідам. Чакаецца, што будынак будзе афіцыйна адкрыты прэмʼер-міністрам Індыі Нарэндрам Модзі (Narendra Modi), які нарадзіўся ў Гуджараце і раней займаў пасаду галоўнага міністра штата.

Чытайце яшчэ:

У цэнтры Мінска хочуць пабудаваць праваслаўную царкву

Спатрэбілася тры гады і $200 000. Як выглядае незвычайны дом-зямлянка беларускага архітэктара

У Беларусі адкрылі палац Булгакаў пасля рэстаўрацыі, якая доўжылася 14 гадоў

Каментары1

  • олен
    25.07.2023
    таки сейф -лучший друг всей этой огромнейшей индустрии. а разница в цене покупки и цене по которой можно продать изделие за три дня -цена человеческой глупости.

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Усе навіны →
Усе навіны

Хто такі Вадзім Красікаў, у якім так зацікаўленая Расія?1

У Калужскай вобласці пацярпеў крушэнне верталёт Мі-28, экіпаж загінуў2

Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны2

Хто той хлопец, які падарваў расійскага афіцэра ў Маскве і быў арыштаваны ў Турцыі6

Джо Байдэн: Я перадаю эстафету новаму пакаленню

«Раптам не прыйшоў на працу, а праз пару дзён яго затрымалі». Новыя падрабязнасці пра немца, прысуджанага да расстрэлу ў Беларусі1

У Добрушскім раёне асвяцілі хлеў з каровамі ФОТАФАКТ7

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

больш чытаных навін
больш лайканых навін

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?3

«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?

Галоўнае
Усе навіны →