А таксама падзяліўся, як гатуе дранікі.
Госцем новага выпуску ютуб-канала Алеся Чахоўскага «Беларускі вайб» стаў беларускі мастак і дызайнер Уладзімір Цэслер. Ён паказаў, які гатуе боршч па ўласным рэцэпце.
Мастак адзначае, што ў яго баршчы няма бульбы і капусты, затое ёсць струкавая фасоля, тры віды перцу і тры віды мяса. Менавіта такі рэцэпт яму больш за ўсё падабаецца.
Цэслер прызнаецца, што найбольш з беларускай кухні яму падабаюцца дранікі. Сам ён іх гатуе без мукі. У бульбу ён дадае цыбулю і яйка. «Можна яшчэ нейкую зеляніну дадаць. (…) Кроп лепш дадаць у смятану», — раіць мастак.
Сярод беларускіх напояў мастак аддае перавагу самагонцы. А калі гаварыць пра безалкагольныя напоі, то Цэслер доўгі час быў аматарам чайнага грыба (гэтый напой яшчэ называюць «камбуча»).
КДБ затрымаў жанчыну, з дома якой было знята відэа падзення шахеда ў Калінкавічах34
Каментары
Згода!