Праўладны блогер пажаліўся, што з ім разводзіцца жонка-«бэчэбэшніца»
Праўладны блогер з Брэста Аляксей Голікаў, у госці да якога прыходзіў сам экс-міністр унутраных спраў Юрый Караеў, які здымаўся ў перадачы кіраўніка АНТ Марата Маркава, падзяліўся ў сацсетках, што яго жонка аказалася «бэчэбэшніцай», не прыняла яго пазіцыю і вырашыла развесціся.
У відэа Голікаў кажа, што застаўся без усяго: без дома, без машыны, без дзяцей, — а на вуліцу яго выкінула дзяржава, за якую ён выходзіў.
«Калі ў вас яшчэ ўзнікне жаданне выходзіць за дзяржаву, за Лукашэнку ці за нешта не асабістае, не сваё — падумайце», — са слязьмі на вачах прамовіў блогер.
Аляксей Голікаў — блогер, які нечакана ўсплыў у медыяпрасторы ў 2020 годзе. Ён берасцеец, зарабляе на жыццё здачай нерухомасці ў арэнду і тым, што грыміруе нябожчыкаў.
Голікаў актыўна выказваўся ў падтрымку ўлады, пасля чаго «пайшоў на павышэнне». Ён трапіў на інтэрв’ю да Маркава на АНТ, сам рабіў гутаркі з Караевым, Васкрасенскім, Мукавозчыкам.
Але апошнім часам Голікаў пачаў крытыкаваць дзеянні ўлады: негатыўна выказваўся пра БРСМ, заяўляў, што «бчбшнікаў не перамаглі», пратэсныя настроі яшчэ тлеюць.
Чытайце таксама: Рыхтуе мёртвых да пахавання і аб’ядноўвае ябацек-інфлюенсераў. Што вядома пра блогера Голікава?
-
У чатах Калінкавічаў распаўсюджваецца ВІДЭА, якое зафіксавала падзенне беспілотніка
-
«Я тупіў. І сумняваўся. І рваўся паміж некалькімі пачуццямі. І цяпер мне сорамна». Кранальнай гісторыяй падзяліўся беларускі святар
-
Праўладны блогер пахваліўся, што атрымаў смешны маёмасны падатак. Але ў каментарыях яго прымусілі раскрыць праўду
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары