Кандыдат у прэзідэнты Віктар Бабарыка 3 чэрвеня пачаў паездкі па рэгіёнах краіны. Найперш ён прыехаў у Гомель, дзе сустрэўся з прыхільнікамі на паркінгу.
У Бабарыкі спыталі, ці не баіцца ён наступстваў свайго ўдзелу ў прэзідэнцкіх выбарах. «Наступстваў якіх? Кіраваць краінай з такімі праблемамі? Баюся, шчыра, баюся. Бо праблемы працэнтаў на 80 ведаю, а на 20% — не», — адказаў ён.
Дзеля чаго Бабарыку, забяспечанаму чалавек, удзел у гэтай кампаніі. «У савецкім фільме «Белае сонца пустыні» герой Верашчагін казаў: «За дзяржаву крыўдна». Вось і мне крыўдна за Беларусь. За 26 гадоў мы так і не змаглі пабудаваць эканоміку, якая б забяспечвала нашу незалежнасць.
У СССР Беларусь мела найлепшую эканоміку, мы страцілі гэта ўсё. Цяпер мы толькі ходзім і просім: дайце нам грошай, дайце танны газ. А потым усе гэтыя размовы, што нас хочуць праглынуць. Ды ніхто нам не жадае зла», — сказаў кандыдат.
«Чамусьці за 26 гадоў мы акружаныя толькі ворагамі, у нас няма ніводнага сябра. У эканоміцы было страчана ўсё. Апроч ІТ-галіны, нічога ў дзяржаўнай эканоміцы створана не было», — лічыць Бабарыка.
«Другая прычына — гэта паводзіны ўладаў падчас пандэміі. У мяне няма тлумачэння, чаму мы так грэбуем жыццямі людзей. Вось гэта фраза «народзец». Мы не «народзец», мы — народ.
Я не «народзец», я прадстаўнік слаўнай кагорты беларусаў. Я лічу, што тыя кампетэнцыі, якія ў мяне ёсць, дазволяць паспрабаваць змяніць эканоміку», — сказаў прысутным Віктар Бабарыка.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»22
Каментары