МНС папярэдзіла пра магчымыя 12-гадзінныя перабоі з выклікамі экстранных службаў
Міністэрства па надзвычайных сітуацыях Беларусі папярэдзіла пра «магчымыя перабоі» з выклікамі экстранных службаў — міліцыі, хуткай, газавікоў і саміх ратавальнікаў. Чакаецца, што датэлефанавацца па гэтых нумарах у жыхароў краіны можа быць складана на працягу адразу дзвюх начэй.
У прэс-службе Магілёўскага абласнога ўпраўлення МНС Беларусі паведамілі, што з-за правядзення тэхнічных работ на «Белтэлекаме» магчымыя перабоі «ў прадастаўленні паслуг тэлефаніі».
Чакаецца, што адразу на працягу двух начэй — з 00:00 да 06:00 8 кастрычніка і з 00:00 да 06:00 10 кастрычніка — «магчымыя перапынкі» ў працы выходных выклікаў па ўсёй Беларусі.
Гаворка ідзе ў тым ліку пра званкі ў экстранныя службы па нумарах 101/112, 102, 103 і 104.
Каментары
Адзін і той здымак посціце ў розных навінах па некалькі раз. Вам дапамагчы новы знайсці?