Складзены спіс кіраўнікоў краін з самымі высокімі заробкамі. Хто на першым месцы?
Самым высокааплатным кіраўніком дзяржавы стаў прэм'ер-міністр Сінгапура Лоўрэнс Вонг. Па падліках Forbes, яго гадавы заробак складае каля $1,69 млн.
Лоўрэнс Вонг. Фота: Vincent Thian / AP
У першую пяцёрку таксама патрапілі:
- прэзідэнт Швейцарыі Віёла Амхерд. За год яна зарабляе каля $569,5 тыс.;
- прэм'ер-міністр Аўстраліі Энтані Олбаніз ($412,5 тыс.);
- прэзідэнт ЗША Джо Байдэн. Яго даход ацанілі ў $400 тыс.;
- канцлер Аўстрыі Карл Нехамер ($316,7 тыс.).
Рэйтынг заснаваны на падліках Political Salaries, у выніку ў яго не патрапілі многія краіны Усходняй Еўропы, у тым ліку Беларусь. Няма ў ім і цэлага спісу краін з Азіі і Паўднёвай Амерыкі, а таксама амаль не прадстаўлена Афрыка.
У выніку з краін, якія ацанілі ў рэйтынгу, самы сціплы даход аказаўся ў прэм'ер-міністра Эфіопіі. Па падліках аналітыкаў, Абій Ахмед Алі зарабляе ўсяго $1,7 тыс. у год.
Каментары