У Польшчы затрымалі чатырох украінцаў, падазраваных у перавозцы нелегальных мігрантаў з Беларусі
Меркаваных арганізатараў нелегальнай міграцыі затрымалі памежнікі.
Фота: Памежная служба
У польскім Калішы памежнікі затрымалі чатырах украінцаў, якіх падазраюць у арганізацыі нелегальнай міграцыі з Беларусі.
Паводле версіі польскіх сілавікоў, мужчыны дапамагалі нелегальным мігрантам перамяшчацца ў Заходнюю Еўропу, піша TVP.
«Ва ўкраінцаў былі акаўнты ў тэлеграме, дзе яны шукалі кіроўцаў для перавозкі нелегальных мігрантаў з краін Блізкага Усходу і Афрыкі», — расказаў памежнік.
Суд ужо арыштаваў затрыманых. У Памежнай ахове адзначаюць, што расследаванне працягваецца, у будучыні чакаюцца і іншыя затрыманні па гэтай справе.
Каментары