Грамадства99

«Гатовы аказаць усялякае ўзаемадзеянне». Доктар-беларус з Партугаліі пяць гадоў прасіўся супрацоўнічаць з КДБ

У базе зваротаў КДБ, якую выклалі ў сеціва «Кіберпартызаны», выданне «Люстэрка» знайшло тры лісты, якія напісаў лекар-беларус. Ён жыве ў Партугаліі і мае грамадзянства гэтай краіны, але цягам некалькіх гадоў медык настойліва прапаноўваў лукашэнкаўскім чэкістам «добраахвотнае супрацоўніцтва».

КДБ на праспекце Незалежнасці ў Мінску

«Гатовы аказаць усялякае ўзаемадзеянне бязвыплатна»

Першы ліст у КДБ Алег Буйноўскі адправіў у сакавіку 2016 года. Ён названы як «прапанова аб добраахвотным супрацоўніцтве».

«Я, Буйноўскі Алег Францавіч, 1978 г. н., ураджэнец Беларусі, які пастаянна жыве ў Партугаліі і мае падвойнае грамадзянства (Беларусі і Партугаліі), маю вышэйшую медыцынскую адукацыю, жанаты, трое дзяцей. Прапаную добраахвотнае супрацоўніцтва», — напісаў мужчына.

Другі ліст датаваны снежнем 2019 года.

«Я, вышэй заяўлены, знаходзячыся на пастаянным пражыванні ў Партугаліі (Азорскія астравы), маючы падвойнае грамадзянства, гатовы на супрацоўніцтва пры ўзнікненні неабходнасці», — паведаміў лекар.

Трэці ліст на сайт КДБ ён адправіў у лістападзе 2021 года:

«Я, які ніжэй падаў дакументы і прадставіўся, гатовы аказаць, пры неабходнасці, усялякае ўзаемадзеянне ў межах маіх магчымасцяў, бязвыплатна».

Да лістоў прыкладаліся партугальскія адрасы пражывання лекара і нумары яго тэлефонаў.

Працаваў у вайсковым шпіталі ў Анголе і рэпосціў Маргарыту Сіманьян

«Люстэрка» знайшло старонку Алега Буйноўскага ў LinkedIn. Там жа размешчана рэзюмэ са спісам месцаў ягоных вучобы і працы.

З яго вынікае, што доктар скончыў Мінскі дзяржаўны медыцынскі ўніверсітэт у 2001 годзе. Потым працаваў у сталіцы: у 9-й гарадской клінічнай бальніцы і «Мінскай кардыялагічнай клініцы» (магчыма, маецца на ўвазе РНПЦ «Кардыялогія»).

Пасля ён жыў у Анголе і працаваў у вайсковым шпіталі Узброеных сіл. А тады вярнуўся ў Мінск і ўладкаваўся ў Інстытут фізіялогіі Акадэміі навук.

Мяркуючы па рэзюмэ беларуса, у Партугалію мужчына перабраўся, хутчэй за ўсё, у перыяд з 2008 па 2010 год. Ён піша, што працаваў доктарам на розных прадпрыемствах. У яго абавязкі ўваходзілі «нагляд за гігіенай, бяспекай працы і здароўем работнікаў». Таксама на пару гадоў ён зноў з'ездзіў у Анголу, адпрацаваў там у адным з медцэнтраў Луанды.

У Партугаліі Алег скончыў інтэрнатуру і аспірантуру. Апошняе названае ў рэзюмэ месца працы (з 2017 года) — сямейны доктар-стажор у медцэнтры на партугальскім востраве Сан-Мігель (уваходзіць у архіпелаг Азорскіх астравоў).

У твітары Алег Буйноўскі актыўнічаў да 2021 года. Там ён рэкламаваў цэнтр аднаўлення здароўя для залежных людзей на Азорскіх астравах. Магчыма, гэта яшчэ адно месца яго працы — цяпер сайт цэнтра не адкрываецца.

Падчас пандэміі медык актыўна рэпосціў паведамленні пра бяспечнасць і выніковасць расійскай вакцыны Sputnik V. Акрамя таго, у стужцы Алега да 2018 года можна знайсці мноства рэпостаў твітаў прапагандысткі Маргарыты Сіманьян і спасылак на расійскія дзяржаўныя медыя (напрыклад, «РІА «Новості»).

«Люстэрка» спрабавала атрымаць каментар у самога лекара, які так актыўна прапаноўваў беларускаму КДБ свае паслугі. Але на званкі і ліст журналіста ён не адказаў.

@nashanivanews У Расіі затрымалі вядомага беларускага доктара Мартава. На радзіме ў Беларусі яму пагражае турма беларусь #лукашенко #новостибеларуси #беларускаямова #белорусы #медицина #нашаніва #беларусьновости ♬ Horror, Fear, Mystery, Suspense, Criminal, Terror, Halloween, Movie, Soundtrack, OST, TV Game, Creepy(1323087) - SAKUMAMATATA

Каментары9

  • Ёсік
    03.05.2024
    За.раныя глузды, не стары ж яшчэ. Адмысловыя службы Партугаліі павінны пацікавіцца, што такога зьбіраўся прапанаваць новы грамадзянін чэкістам дыктатарскай2 Беларусі. А то вычварэнцы лічаць, што добра ўладкаваліся за межамі Беларусі, і маюць права абгаворваць ці здаваць сакрэты краін, дзе атрымалі прытулак.
  • Gorliwy Litwin
    03.05.2024
    Францавіч, як і Гігін. зусім скурвіўся бела-рускі калгасны каталіцызм. Загінула лацінская цывілізацыя на Белай Русі :-(
  • Gorliwy Litwin
    03.05.2024
    Ёсік, на жаль гэта цяпер лічыцца натуральным правам еўрапейскіх грамадзянаў. Вельмі цяпер шырокі і душэўны гуманізм, Адкрытае Грамадства 

Бясплатная арэнда: беларускі набываюць адзенне ў краме, а пасля мерапрыемства вяртаюць9

Бясплатная арэнда: беларускі набываюць адзенне ў краме, а пасля мерапрыемства вяртаюць

Усе навіны →
Усе навіны

Памёр Гаральд Вольскі

Маладую беларуску асудзілі за наркотыкі на 9 гадоў. Калі выйшла з калоніі, зрабіла засвоены там навык справай жыцця13

Дыхаў у слухаўку, дасылаў паштоўкі са сваім пахам. Беларускі распавялі пра пераслед сталкераў2

Бондарава трыумфуе: у Палаце прадстаўнікоў Марзалюку ўсё ж нагадалі пра дэпутацкую этыку праз «шваль з Гродна»23

Найлепшыя фільмы «не для ўсіх» 2024 года. Што вы з гэтага глядзелі?

Старшыня Еўракамісіі злягла з цяжкай хваробай4

«Калі паліцэйскія пабачылі кашулі, змяніліся ў тварах». Што новага ў беларусаў, якіх збіла ахова рэстарана?31

«Брама ў свет беларускага кантэнту». Каманда айцішнікаў стварыла беларускамоўную ШІ-калонку6

Васьмігадовы хлопчык заблукаў і правёў пяць дзён у парку з ільвамі. Вось што дапамагло яму выжыць

больш чытаных навін
больш лайканых навін

Бясплатная арэнда: беларускі набываюць адзенне ў краме, а пасля мерапрыемства вяртаюць9

Бясплатная арэнда: беларускі набываюць адзенне ў краме, а пасля мерапрыемства вяртаюць

Галоўнае
Усе навіны →