Яго затрымалі 8 красавіка.
Пасля 15 сутак адміністрацыйнага арышту выйшаў на волю журналіст рэгіянальнага выдання «Вечерний Бобруйск» Дзяніс Носаў, піша БАЖ.
Журналіста прыватнага бабруйскага выдання Дзяніса Носава затрымалі 8 красавіка. У праўладным тэлеграм-канале пазней з’явілася відэа з ім: журналіст распавядаў, што з 2020 года адпраўляў у тэлеграм сваім знаёмым «экстрэмісцкія матэрыялы», а таксама што пасля пачатку поўнамаштабнай вайны ва Украіне падпісаўся на «экстрэмісцкія каналы», каб быць у курсе падзей. Дзяніс таксама казаў, што за свае дзеянні «будзе адпраўлены ў ІЧУ».
15 красавіка стала вядома, што суд Бабруйскага раёна і г. Бабруйска прызначыў яму 15 сутак адміністрацыйнага арышту, прызнаўшы вінаватым у «распаўсюдзе экстрэмісцкіх матэрыялаў» (паводле арт. 19.11 КаАП РБ). 23 красавіка стала вядома, што журналіст выйшаў на волю пасля адбыцця пакарання.
У калег журналіста тым часам ёсць перасцярогі, што ягоны тэлеграм-акаўнт і сацсеткі пад кантролем сілавікоў.
Дзяніса Носава затрымлівалі і арыштоўвалі на «суткі» ў 2020 і 2022 гадах.
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»24
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары