Babrujski žurnalist Dzianis Nosaŭ vyjšaŭ na volu paśla «sutak»
Jaho zatrymali 8 krasavika.
Paśla 15 sutak administracyjnaha aryštu vyjšaŭ na volu žurnalist rehijanalnaha vydańnia «Viečiernij Bobrujsk» Dzianis Nosaŭ, piša BAŽ.
Žurnalista pryvatnaha babrujskaha vydańnia Dzianisa Nosava zatrymali 8 krasavika. U praŭładnym telehram-kanale paźniej źjaviłasia videa ź im: žurnalist raspaviadaŭ, što z 2020 hoda adpraŭlaŭ u telehram svaim znajomym «ekstremisckija materyjały», a taksama što paśla pačatku poŭnamaštabnaj vajny va Ukrainie padpisaŭsia na «ekstremisckija kanały», kab być u kursie padziej. Dzianis taksama kazaŭ, što za svaje dziejańni «budzie adpraŭleny ŭ IČU».
15 krasavika stała viadoma, što sud Babrujskaha rajona i h. Babrujska pryznačyŭ jamu 15 sutak administracyjnaha aryštu, pryznaŭšy vinavatym u «raspaŭsiudzie ekstremisckich materyjałaŭ» (pavodle art. 19.11 KaAP RB). 23 krasavika stała viadoma, što žurnalist vyjšaŭ na volu paśla adbyćcia pakarańnia.
U kaleh žurnalista tym časam jość pieraściarohi, što jahony telehram-akaŭnt i sacsietki pad kantrolem siłavikoŭ.
Dzianisa Nosava zatrymlivali i aryštoŭvali na «sutki» ŭ 2020 i 2022 hadach.
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy10
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary