Грамадства2626

Беларускіх топ-мадэляў вывезлі на баявыя трэніроўкі. Адзін з інструктараў быў з нашыўкай вагнераўцаў

Тэлеграм-канал унутранных войскаў МУС апублікаваў фоты, на якіх дзяўчат з Нацыянальнай школы прыгажосці навучаюць ужываць зброю. На адным з інструктараў — нашыўка ПВК «Вагнер».

Вагнеравец трэніруе беларуску з Нацыянальнай школы прыгажосці. Фота: тэлеграм-канал унутраных войскаў МУС

Кіраўніцтва Нацыянальнай школы прыгажосці сумесна з МУС і лукашэнкаўскім ідэолагам Вадзімам Гігіным прывезлі беларускіх мадэлек на баявыя трэніроўкі па ўжыванні агнястрэльнай зброі. Адпаведны фотарэпартаж з'явіўся 18 верасня ў афіцыйным тэлеграм-канале ўнутраных войскаў Беларусі.

Згодна са справаздачай, мадэлі знаёміліся з рознымі відамі зброі і вучыліся аказваць першую дапамогу.

«Прадстаўніцы Нацыянальнай школы прыгажосці на чале з яе кіраўніцай Бажэнай Ярэміч і генеральным дырэктарам Нацыянальнай бібліятэкі Вадзімам Гігіным асвойвалі агнявую падрыхтоўку і тактычную медыцыну», — пішуць у канале.

Вучыліся яны ў «прафесійна падрыхтаваных вайскоўцаў спецпадраздзяленняў унутраных войскаў, якія штодня адточваюць сваё майстэрства пад кіраўніцтвам дасведчаных інструктараў з рэальным баявым досведам».

Пры гэтым на адным з вайскоўцаў збоку на грудзях відаць эмблема наймітаў расійскай прыватнай вайсковай кампаніі «Вагнер», частка байцоў якой знаходзіцца ў Беларусі і якраз займаецца шкаленнем беларускіх байцоў.

Цікава, што гэты ж вайсковец на другім фота ўжо не мае на грудзях эмблемы «Вагнера». Свой твар ён хавае пад маскай.

Эмблема ПВК «Вагнер» на грудзях «прафесійнага вайскоўца з унутраных войскаў». Фота: тэлеграм унутраных войскаў МУС і Wikimedia Commons
На другім фота эмблемы «Вагнера» на расійскім найміце ўжо няма. Фота: тэлеграм унутраных войскаў МУС

Ці гэта вагнеравец, ці беларускі вайсковец, які вырашыў начапіць нашыўку расійскай ПВК, невядома.

Але адзін з беларускіх прапагандысцкіх каналаў сцвярджае, што сярод інструктараў вагнераўцы былі.

Нагадаем, што найміты ПВК «Вагнер» прыбылі ў Беларусь яшчэ летам пасля спробы вайсковага мяцяжу вагнераўцаў. Кіраўнік кампаніі Яўген Прыгожын нядаўна загінуў у падазронай авіякатастрофе.

З таго моманту пэўная частка наймітаў усё яшчэ застаецца ў Беларусі і трэніруе беларускіх салдат. Аднак колькасць вагнераўцаў у краіне зніжаецца і іх асноўны лагер пад Асіповічамі часткова дэмантаваны.

Адбор топ-мадэляў у Беларусі — прадмет увагі асабіста Аляксандра Лукашэнкі, які нязменна прысутнічае на конкурсе «Міс Беларусь». Многія з удзельніц і пераможцаў конкурсу апынаюцца ў свіце кіраўніка краіны. 

«Наша Нiва» — бастыён беларушчыны

ПАДТРЫМАЦЬ

Каментары26

  • Instasamka
    19.09.2023
    думалі - у казку папалі?, я хто б сумняваўся, Сонцападобны моладзі так мазгі засраў, што будуць пачкамі ў аграюгенд уступаць каб прапіярыцца. Ну потым як у 2020 і ьудуць сьпяваць гуртом: " А мы тут ні пры чом.. Саўсем мы ні пры чом ..."
  • Зигмунд нефрейд
    19.09.2023
    "Cтанция утешения"
  • Алек. Ру
    19.09.2023
    Будучыя ваенна-паля/а/выя жонкі?

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Чарга легкавых аўто на ўезд у Польшчу з Беларусі павялічылася ў чатыры разы4

Юрый Чыж пайшоў у расійскі суд, каб пазмагацца за свой малаказавод у Геленджыку

Як трансгендар абваліў продажы самага папулярнага амерыканскага піва14

Ілан Маск жорстка высмеяў Microsoft за глабальны IT-збой5

Святлана Ціханоўская сустрэлася з Віктарам Орбанам23

Не рабіце гэтую памылку ў захоўванні хлеба5

Назіраецца маштабны збой электронікі па ўсім свеце. Аэрапорты адмяняюць палёты13

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл22

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →