Міністр культуры назваў сярэднія заробкі ў сваёй сферы. Лічба ўражвае
У эфіры тэлеканала СТБ Анатоль Маркевіч хваліўся тым, як беларуская культура змагаецца з заходнімі санкцыямі і як у «Купалаўскі» нібыта ходзіць народ пасля сыходу амаль усяго калектыву. Але калі гаворка зайшла пра заробкі, то тут ужо хваліцца не было чым.
![](http://d3kcf2pe5t7rrb.cloudfront.net/img/w840d4webp1/photos/z_2023_02/zp_kulrabotnikov_i_intervyu_s_markevichem_za_5_feralya_2023_4_0-r8i5k.png.webp)
Як сказаў міністр Маркевіч, па выніках 2022 года сярэдняя заработная плата ў сферы культуры склала 967 рублёў, у 2023 годзе плануецца выйсці на сярэднюю зарплату памерам 1100 рублёў.
Да 2025 года, па запэўніваннях чыноўніка, работнікі культуры будуць зарабляць не менш за 80% сярэдняй заработнай платы па краіне.
Сярэдняя налічаная заработная плата ў Беларусі ў снежні 2022 года складала 1915,6 рубля, а ў лістападзе — 1648,2 рубля. Традыцыйна ў канцы года выплачваюцца прэміі і бонусы, што адбіваецца на росце сярэдняй зарплаты.
Каментары