ЗША могуць прызнаць пратэрмінаваныя пашпарты Беларусі і надаць беларусам статус часовай абароны — новы законапраект
На сайце Кангрэса ЗША апублікаваны законапраект S.5116, «Bridge Act», унесены сенатарам Бенджамінам Кардзінам.
Дакумент пад працоўнай назвай Belarus and Russia Investments in Democratic Governance during Exile Act прапануе важныя меры падтрымкі грамадзян Беларусі і Расіі, якія былі вымушаныя пакінуць свае краіны з-за палітычных рэпрэсій і вайны.
Шэраг раздзелаў гэтага законапраекта прысвечаны дапамозе беларусам, якія аказаліся ў выгнанні, звяртае ўвагу Motolkohelp.
Прызнанне пратэрмінаваных пашпартоў
Праект прадугледжвае, што ЗША будуць прызнаваць пратэрмінаваныя беларускія пашпарты прыдатнымі для паездак у Штаты і ўставіць візы ў такія дакументы.
Грамадзян Беларусі прапануюць прызнаць асобамі «бяздомнай нацыянальнасці» — гэта значыць людзьмі, якія не маюць магчымасці звярнуцца па візу ў Беларусі, і таму атрымліваюць права падаваць заяву на неіміграцыйныя і іміграцыйныя візы ў іншых краінах.
Часовая абарона (TPS)
Законапраект прадугледжвае магчымасць надання беларусам статусу часовай абароны (Temporary Protected Status, TPS). Гэты статус дае права жыць і працаваць у ЗША на пэўны перыяд і можа быць пададзены на аснове індывідуальнай заявы.
Акрамя гэтага, законапраект S.5116 прапануе, каб ЗША заклікалі Еўракамісію выдаваць беларусам, якія знаходзяцца ў выгнанні, юрыдычныя дакументы для міжнародных паездак.
На якой стадыі законапраект?
Паводле інфармацыі на сайце Кангрэса, законапраект S.5116 быў унесены ў Сенат 19 верасня 2024 года, пасля чаго прайшоў два чытанні і быў накіраваны ў Камітэт па замежных справах для далейшага разгляду.
Ціханоўская: Перапрызначэнне Лукашэнкі не мае ніякага ўплыву на маю далейшую працу2
Каментары
ДЗЛЯ "асоба адаронных "зрабіць вялікімі літарамі дадатак ..урад прэзідзент Летувы гэта тычыцца вас асабіста адказнасуь персанальная звярніце Увагу ..Але Дуде Туску таксама даслаць дзля асабістага атрымання
Каб пасля " кансенсус" ні з'явілся