Алена Зуй-Вайцяхоўская, вядомая беларусам як Алена ЖалудOk, выканаўца «Шчучыншчыны», і Міхась Зуй — купалавец і акцёр Чынчынчэнэл, аб'ядналіся ў гурт Zui выпускаюць першы беларускамоўны альбом Arka. Пра гэта «Медыязоне» распавялі ўдзельнікі музычнага гурта.
Над гучаннем альбома Arka працаваў гукарэжысёр Віталь Кулеўскі, у супрацы з якім раней з’явіліся альбомы гуртоў ili-ili, «Дзецідзяцей» і першы альбом Zui «Вопрос».
«У сцэнарнай справе ёсць такі тэрмін — арка персанажа. Ён азначае шлях, што прайшоў герой, ягоную трансфармацыю. Так сталася, што некаторыя песні з нашага альбома мы напісалі даўно, у Беларусі. Тады мы былі толькі на пачатку тых трансфармацый, што з намі адбыліся. І пра гэта наш альбом — стан чалавека на парозе перамен.» — кажа Міхась Зуй.
У параўнанні з дэбютным альбомам «Вопрос», новы альбом больш змрочны і больш танцавальны. Агрэсіўны біт спалучаецца з пяшчотай спеваў, а настальгічны сінцівэйв — як адгалосак юнацтва, падкрэслівае іранічнасць тэкстаў.
«Гэты альбом — сувязь з мінулым, гэта тая арка, што спалучае нас цяперашніх з намі, якімі мы былі да эміграцыі і вайны.» — дадае Алена.
Альбом Arka з’явіцца на стрымінгавых платформах 1-га лістапада.
У Беларусі ўжо некалькі вечароў праблемы з інтэрнэтам. Расказваем, што адбываецца1
Каментары