У выніку расійскага ўдару па жылым доме ў Харкаве загінула 11-гадовае дзіця, больш за 30 чалавек параненыя
У выніку расійскага ўдару па жылым доме ў Харкаве загінула 11-гадовае дзіця, паведаміў кіраўнік Харкаўскай абласной вайсковай адміністрацыі Алег Сінягубаў.
Фота з тэлеграм-канала Алега Сінягубава
«На жаль, адно дзіця загінула. Медыкам, нягледзячы на спробы, не ўдалося рэанімаваць хлопчыка», — напісаў ён у тэлеграме.
Як распавёў выданню «Суспільне» дырэктар абласнога цэнтра экстраннай меддапамогі Віктар Забашта, хлопчыка дасталі з-пад завалаў з цяжкай траўмай галавы, пераломамі і без прыкмет жыцця.
Паводле яго, рэанімацыйныя мерапрыемствы праводзілі цягам 40 хвілін.
Колькасць пацярпелых у выніку ўдару станам на 7:40 павялічылася да 34 чалавек.
Таксама з-пад завалаў ратавальнікі дэблакавалі фрагменты цел.
Аварыйна-выратавальныя работы працягваюцца.
Каментары