Адкрыйце для сябе «Краму» па-новаму. Галоўныя хіты, рэдкія песні і дзве прэм’еры ў Belsat Music Live ВІДЭА
Яшчэ нядаўна гурт з амаль 30-гадовай гісторыяй быў на мяжы распаду, але цяпер музыкі рыхтуюць дзявяты альбом у сваёй дыскаграфіі.
Сёння «Краму» і іх лідара Ігара Варашкевіча лічаць класікамі беларускага року, але калісьці гурт мог стаць польскім і нават брытанскім. Песня «Стэфка» на беларускай мове нават удзельнічала ў англійскіх хіт-парадах. У Польшчы ж «Крама» перазапісала некалькі сваіх песень па-польску, але стаць замежным гурту так і не была наканавана. Пра прычыны распавёў Ігар Варашкевіч ў гутарцы з вядучай праграмы Мірай Шульц.
«Крама» у студыі праспявала свае галоўныя хіты, узгадала рэдкія песні, а таксама прэзентавала дзве песні з наступнага альбома, якога магло б і не быць.
Гэтыя кампазіцыі Варашкевіч рыхтаваў для сольнага праекту. Але пасля сыходу з гурта Сяргея Трухановіча і прыходу замест яго новага гітарыста Андрэя Краўцэвіча было вырашана запісаць новую праграму як «Крама».
Belsat Music Live — гэта аўтарскі праект Сяргея Будкіна. Штотыдзень на тэлеканале «Белсат» айчынныя і замежныя музыкі граюць ужывую ў студыі, а таксама размаўляюць з вядучымі пра сваю творчасць.
Падпісвайцеся на канал «Белсат Музыка», каб не прапусціць новыя выпускі.
Саша Філіпенка расказаў, чаму не плануе пісаць па-беларуску і як Беларусь можа стаць падарункам Расіі ў вайне44
Каментары