У групе ў Фэйсбуку «Адэса Курс-Еўра» з’явіўся допіс адэсіта, у якім ён распавядае пра стаўленне гараджан да расійскай сеткі заправак «Лукойл».
Прапануем чытачам амаль анекдатычны выпадак з жыцця адэсітаў. Допіс з Фэйсбука апублікаваны з захаваннем аўтарскага стылю:
Раніца, у Адэсе 5:46, толькі зайшоў дадому. Усю ноч давялося быць за стырном. Ужо на пад’ездзе да дому, заехаў на запраўку каля «Сёмага кіламетра». Звярнуў увагу на ўкраінскія сцяжкі на кожнай калонцы і абсалютную пустэч (звычайна ў гэты час там надта шмат маршрутачнікаў, транзітнікаў, і блізкасць да «Сёмага кіламетра» абавязвае).
Дык вось, ужо калі дастаў крэдытку, каб аплаціць дваццаць літраў, звярнуў увагу на прадаўца, ягоныя вочы і твар выражалі здзіўленне, якое змешвалася з захапленнем.
Я яму кажу з іроніяй: «У вас нешта здарылася?»
Ён: «Вам бензін?»
Я: «Ну, напэўна ж, бензін».
Ён (вочы гараць): «Колькі?»
І тут я разумею – я на запраўцы «Лукойла». А за ягонай спіной быў цэлы стэлаж з цыгарэтамі…
Кажу: «Дай пачак».
Ён (з прыкрасцю мне ў след): «Вы што ўсе, згаварыліся?!»
38-гадовага вайсковага лётчыка судзяць за абразу Лукашэнкі2
Каментары