zajaviŭ u Maskvie staršynia Jeŭrapiejskaha parłamienta Ježy Buziek.
«My nie ŭmiešvajemsia ŭ adnosiny pamiž dźviuma krainami — heta sprava Rasii i Biełarusi abo Rasii i Ukrainy. ES, viadoma, nie budzie brać niepasredny ŭdzieł u vyrašeńni hetaha kanfliktu», — zajaviŭ Buziek u intervju RIA Novosti.
Jon vykazaŭ nadzieju, što roznahałośsi pa hazie pamiž Maskvoj i Minskam nie akažuć upłyvu na pastaŭku paliva ŭ jeŭrapiejskija krainy.
Na pieramovach z kiraŭnikom Minenierha Rasii Siarhiejem Šmatko Buziek zajaviŭ, što pastaŭki rasijskaha hazu skaracilisia ŭ Litvu i Uschodniuju Hiermaniju. «Biaśpieki pastavak rasijskaha hazu niama. U nas jość infarmacyja, što abjomy hazu, jaki pastaŭlajecca ŭ Jeŭropu, nižejšyja, čym čakałasia», — skazaŭ Buziek.
Šmatko, jaki pryznačany adkaznym za kantakty ź Jeŭrakamisijaj pa hazavaj situacyi ź Biełaruśsiu, abvierh hetuju infarmacyju: «Ja nie viedaju infarmacyi ab tym, što za apošnija sutki-dvoje skaracilisia pastaŭki. Polšča nie paćviardžaje, što cisk u hazapravodzie «Jamał — Jeŭropa» źniziŭsia. Pakul u nas jość infarmacyja, što Jeŭrasajuz nie pavinien byŭ adčuć abmiežavańniaŭ».
Buziek taksama zajaviŭ, što Jeŭraparłamient hatovy nakiravać naziralnikaŭ dla manitorynhu pastavak hazu cieraź Biełaruś. «My pavinny nakiravać naziralnikaŭ, kali heta budzie treba. Naziralniki hatovy.
Nam hałoŭnaje — zabiaśpiečyć nadziejnaść pastavak», — skazaŭ staršynia Jeŭraparłamienta.
U svaju čarhu Šmatko zajaviŭ, što ŭ najaŭnaj situacyi niama nieabchodnaści vykarystańnia hetaha miechanizma — pryciahnieńnia niezaležnych naziralnikaŭ.
Pavodle słoŭ ministra, 22 červienia jon pravioŭ telefonnuju hutarku ź jeŭrakamisaram pa enierhietycy Hiunteram Etynhieram. Baki damovilisia ŭ vypadku atrymańnia infarmacyi ab niesankcyjanavanym adbory hazu zadziejničać miechanizm niezaležnych naziralnikaŭ. Zadačaj naziralnikaŭ stanie niezaležnaje fiksavańnie faktaŭ niesankcyjanavanaha adboru hazu, kab padrychtavać dakumienty dla budučych sudovych razboraŭ.
Kiraŭnik Minenierha RF raźličvaje, što roznahałośsi Rasii i Biełarusi pa apłacie i tranzicie hazu buduć karotkaterminovymi. Jak adznačyŭ ministr, u adroźnieńnie ad 2009 hoda, kali pastaŭki rasijskaha hazu ŭ Jeŭropu byli skaročany z-za hazavaj sprečki z Ukrainaj, siońnia «Hazprom» harantuje pastaŭki ŭsiaho abjomu zakantraktavanaha hazu pa alternatyŭnych schiemach. Pavodle jaho słoŭ, u pryvatnaści, razhladajecca mahčymaść pavieličeńnia tranzitu cieraz Ukrainu, a taksama vykarystańnie spotavaha rynku ŭ Jeŭropie. Šmatko zajaviŭ, što značnuju rolu ŭ roznahałośsiach adyhrała «nie vielmi zrazumiełaja» zatrymka Biełaruśsiu pracedury afarmleńnia dakumientaŭ pa apłacie tranzitu rasijskaha hazu.
«Hazprom», patrabujučy pahašeńnia doŭhu za haz u pamiery 192 młn. dołaraŭ, skaraciŭ pastaŭki ŭ Biełaruś na 30%. U svaju čarhu Biełaruś spyniła tranzit hazu, patrabujučy 260 młn. za pierapampoŭvańnie.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska11
Kamientary